Get the latest news at
your fingertips!
Download our app now
LIVE TV
Search
ഗുരുവായൂരമ്പലനടയ്ക്ക് ശേഷം പൃഥ്വിരാജ് സുകുമാരനും വിപിൻ ദാസും വീണ്ടും ഒന്നിക്കുന്ന ചിത്രം സന്തോഷ് ട്രോഫി ഔദ്യോഗികമായി പ്രഖ്യാപിച്ചു. പൃഥ്വിരാജിന്റെ ജന്മദിനത്തോട് അനുബന്ധിച്ച് സോഷ്യൽ മീഡിയയിലൂടെ പോസ്റ്റ് പങ്കുവെച്ചാണ് അണിയറ പ്രവർത്തകർ ഇക്കാര്യം അറിയിച്ചിരിക്കുന്നത്.
സന്തോഷിന്റെ സ്വപ്നമായ ട്രോഫിയുമായി അടുത്ത പിറന്നാളിന് കാണാം എന്നാണ് വിപിൻ ദാസ് ഫേസ്ബുക്കിൽ കുറിച്ചിരിക്കുന്നത്. മാജിക് ഫ്രെയിംസിന്റെ ബാനറിൽ ലിസ്റ്റിൻ സ്റ്റീഫനും സുപ്രിയ മേനോനും ചേർന്നാണ് ചിത്രം സംവിധാനം ചെയുന്നത്. പൃഥ്വിരാജിന് ജന്മദിനാശംസകൾ നേർന്നുകൊണ്ടുള്ള ലിസ്റ്റിൻെ്റ പോസ്റ്റിൽ സർപ്രൈസിന്റെ മറ്റൊരു കുപ്പി പൊട്ടിക്കുമെന്ന് നേരത്തെ സൂചന നൽകിയിരുന്നു. ഇതിനു പിന്നാലെയാണ് പുതിയ ചിത്രം പ്രഖ്യാപിച്ചു കൊണ്ടുള്ള പോസ്റ്റർ എത്തിയത്.
അതേസമയം വിപിൻ ദാസിന്റെ സംവിധാനത്തിൽ പൃഥ്വിരാജും ബേസിൽ ജോസഫും പ്രധാനവേഷത്തിലെത്തി ഈ വർഷം ഹിറ്റടിച്ച കോമഡി എന്റർടെയ്നർ ചിത്രമായിരുന്നു ‘ഗുരുവായൂരമ്പലനടയിൽ’. അനശ്വര രാജൻ, നിഖില വിമൽ, ജഗദീഷ്, ബൈജു, യോഗി ബാബു, ഇർഷാദ്, പി വി കുഞ്ഞികൃഷ്ണൻ തുടങ്ങിയവർ ചിത്രത്തിൽ പ്രധാന വേഷത്തിലെത്തുന്നുണ്ട്. പൃഥ്വിരാജ് പ്രൊഡക്ഷൻസിന്റെ ബാനറിൽ സുപ്രിയ മേനോൻ, ഇ4 എന്റർടെയ്ൻമെന്റിന്റെ ബാനറിൽ മുകേഷ് ആർ മേത്ത, സി വി സാരഥി എന്നിവർ ചേർന്നാണ് ചിത്രത്തിന്റെ നിർമാണം.
Content Highlights: vipin das Prithviraj Sukumaran new movie santhosh trophy announced
