Get the latest news at
your fingertips!
Download our app now
LIVE TV
Search
സിനിമപ്രേമികള്‍ ഒന്നടങ്കം കാത്തിരിക്കുന്ന പാന്‍ ഇന്ത്യന്‍ ചിത്രമാണ് അല്ലു അര്‍ജുന്‍ നായകനാകുന്ന 'പുഷ്പ 2'. 2021 ല്‍ സുകുമാറിന്റെ സംവിധാനത്തില്‍ പുറത്തിറങ്ങിയ 'പുഷ്പ'യുടെ രണ്ടാം ഭാഗമായി വരുന്ന 'പുഷ്പ 2' തിയേറ്ററുകളിലെത്താൻ ഇനി 50 ദിനങ്ങൾ മാത്രം. പുതിയ പോസ്റ്റർ പങ്കുവെച്ച് അണിയറപ്രവർത്തകർ തന്നെയാണ് ഇക്കാര്യം ആരാധകരെ അറിയിച്ചിരിക്കുന്നത്.
പോസ്റ്ററിൽ നിറഞ്ഞു നിൽക്കുന്ന ഒരു കൈ ചർച്ചയാകുന്നുണ്ട്. എന്തോ വലിയ ട്വിസ്റ്റിന്റെ സൂചനയാണ് ഇതെന്നാണ് ആരാധകർ പറയുന്നത്. റിലീസിന് മുന്നോടിയായി സിനിമയുടെ ഹൈപ്പ് കൂട്ടുന്നതിനായാണ് ഓരോ പോസ്റ്ററിലും അണിയറ പ്രവർത്തകർ ഇത്തരം ഹിന്റുകൾ നൽകുന്നത്.
The wait gets shorter. 50 days to witness Pushpa Raj and his blockbuster rule ❤🔥#Pushpa2TheRule will be A NEW ERA OF INDIAN CINEMA 🔥
— Pushpa (@PushpaMovie) October 17, 2024
THE RULE IN CINEMAS on 6th DEC 2024.#50DaysToPushpa2Storm 🔥
Icon Star @alluarjun @iamRashmika @aryasukku #FahadhFaasil @ThisIsDSP… pic.twitter.com/4hY73Wun9r
ഒന്നാം ഭാഗത്ത് ക്ലൈമാക്സിലേക്ക് എത്തി ഏറെ പ്രശംസ നേടിയ കഥാപാത്രമായിരുന്നു ഫഹദിന്റെ ഭന്‍വര്‍ സിങ്ങ്. രണ്ടാം ഭാഗം പുഷ്പയും ഭന്‍വര്‍ സിങ്ങുമായുള്ള കടുത്ത പോരാട്ടമായിരിക്കും എന്നാണ് ആരാധകര്‍ കരുതുന്നത്.
പുഷ്പയുടെ ആദ്യ ഭാഗം 'പുഷ്പ ദ റൈസി'ന്‍റെ വൻ വിജയത്തിന് പിന്നാലെയാണ് രണ്ടാം ഭാഗമായ പുഷ്പ ദ റൂളി'ന്‍റെ ചിത്രീകരണം സംവിധായകന്‍ സുകുമാർ ആരംഭിച്ചത്. നേരത്തെ ആഗസ്റ്റിൽ റിലീസ് ചെയ്യാനിരുന്ന ചിത്രം ചിത്രീകരണം പൂർത്തിയാവാത്തതിനെ തുടർന്ന് ഡിസംബറിലേക്ക് നീട്ടുകയായിരുന്നു. ആദ്യ ഭാഗം രണ്ട് ദേശീയ ചലച്ചിത്ര പുരസ്‌കാരങ്ങളും 7 സംസ്ഥാന ചലച്ചിത്ര പുരസ്‌കാരങ്ങളും നേടിയിരുന്നു.
ദേവി ശ്രീ പ്രസാദ് തന്നെയാണ് രണ്ടാം ഭാഗത്തിനും സംഗീതം നൽകുന്നത്. അല്ലു അർജുനും ഫഹദിനുമൊപ്പം രശ്മിക മന്ദാന, സുനിൽ, പ്രകാശ് രാജ്, ജഗപതി ബാബു തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്.
Content Highlights: Just 50 days left for the release of Pushpa 2
