Get the latest news at
your fingertips!
Download our app now
LIVE TV
Search
കാര്‍ത്തിക് ആര്യനെ നായകനാക്കി അനീസ് ബസ്‍മി സംവിധാനം ചെയ്ത ഹൊറര്‍ കോമഡി ചിത്രം ഭൂല്‍ ഭുലയ്യ 3 റിലീസിന് ഒരുങ്ങുകയാണ്. ഹൊറർ കോമഡി വിഭാഗത്തിലുളള സിനിമ ദീപാവലി റിലീസായെത്തുന്ന ഈ വേളയിൽ സിനിമയുടെ നാലാം ഭാഗത്തിന്റെ വർക്കുകൾ ആരംഭിച്ചതായുളള റിപ്പോർട്ടുകളാണ് വരുന്നത്. കാര്‍ത്തിക് ആര്യൻ തന്നെയായിരിക്കും നാലാം ഭാഗത്തിലും പ്രധാന കഥാപാത്രത്തെ അവതരിപ്പിക്കുക എന്നും നടൻ സിനിമയ്ക്ക് സമ്മതം മൂളിയതായും ഒടിടി പ്ലേ റിപ്പോർട്ട് ചെയ്യുന്നു.
ഭൂൽ ഭുലയ്യ 3 ൽ അണിയറപ്രവർത്തകർക്ക് ആത്മവിശ്വാസമുണ്ടെന്നും ചിത്രം രണ്ടാം ഭാഗത്തേക്കാൾ കളക്ഷൻ നേടുമെന്ന് പ്രതീക്ഷിക്കുനതയുമാണ് റിപ്പോർട്ട്. ഇതിന് പിന്നാലെ നാലാം ഭാഗത്തിന്റെ വർക്കുകൾ ആരംഭിച്ചതായാണ് സൂചന.
അതേസമയം ഭൂൽ ഭുലയ്യ 3 യുടെ ട്രെയിലര്‍ അടുത്തിടെ പുറത്തുവിട്ടിരുന്നു. ആദ്യ രണ്ടു ഭാഗങ്ങളെപ്പോലെ ഹൊററും കോമഡിയും മിക്സ് ചെയ്ത ഒരു പക്കാ എന്റർടൈനർ ആകും 'ഭൂൽ ഭുലയ്യ 3' എന്ന സൂചനയാണ് ട്രെയിലർ നൽകുന്നത്. ചിത്രത്തിന്റെ ആദ്യ പതിപ്പിൽ പ്രധാന വേഷത്തിലെത്തിയ വിദ്യ ബാലനും മൂന്നാം ഭാഗത്തിലുണ്ട്. മാധുരി ദീക്ഷിത്, തൃപ്തി ഡിമ്രി എന്നിവരും ചിത്രത്തിൽ പ്രധാന വേഷങ്ങളിലെത്തുന്നുണ്ട്. സഞ്ജയ് മിശ്ര, രാജ്പാൽ യാദവ്, അശ്വിനി കൽസേക്കർ, വിജയ് റാസ്, മനീഷ് വാധ്വ, രാജേഷ് ശർമ്മ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
2007ലായിരുന്നു ഭൂൽ ഭുലയ്യ ആദ്യഭാഗം റിലീസ് ചെയ്തത്. മലയാളത്തിൽ സൂപ്പർഹിറ്റായ മണിച്ചിത്രത്താഴിന്റെ റീമേക്കായ സിനിമ പ്രിയദർശനായിരുന്നു സംവിധാനം ചെയ്തത്. ഭൂൽ ഭുലയ്യ വലിയ വിജയമാകുകയും പിൽക്കാലത്ത് ഒരു കൾട്ട് ചിത്രമായി മാറുകയും ചെയ്തിരുന്നു. പിന്നീട് ചിത്രത്തിന് രണ്ടാം ഭാഗം അണിയറപ്രവർത്തകർ ഒരുക്കിയിരുന്നു. 2022ലായിരുന്നു ഇത് എത്തിയത്.
Content Highlights: Reports that Kartik Aaryan signs Bhool Bhulaiyaa 4 ahead of Bhool Bhulaiyaa 3 release
