Get the latest news at
your fingertips!
Download our app now
LIVE TV
Search
ജൂനിയർ എൻടിആർ പ്രധാന വേഷത്തിലെത്തിയ ചിത്രം ദേവര തിയേറ്ററുകളിൽ പ്രദർശനം തുടരുകയാണ്. ബോളിവുഡ് നടൻ സെയ്ഫ് അലി ഖാനാണ് സിനിമയിലെ പ്രധാന വില്ലൻ കഥാപാത്രമായ 'ഭൈര'യെ അവതരിപ്പിച്ചത്. ചിത്രത്തിലെ വേഷത്തിനായി വമ്പൻ പ്രതിഫലമാണ് നടന് ലഭിച്ചതെന്ന റിപ്പോർട്ടുകളാണ് വരുന്നത്.
ദേവരയ്ക്കായി സെയ്ഫ് അലി ഖാൻ 12-13 കോടി പ്രതിഫലം കൈപറ്റിയതായാണ് 123 തെലുഗു റിപ്പോർട്ട് ചെയ്യുന്നത്. ചിത്രത്തിൽ ഏറെ ചർച്ച ചെയ്യപ്പെട്ട കഥാപാത്രമായിരുന്നു നടന്റെ ഭൈര. സെയ്ഫ് അലി ഖാന് പുറമെ ബോളിവുഡ് നടി ജാൻവി കപൂറും സിനിമയുടെ ഭാഗമാകുന്നുണ്ട്. സിനിമയ്ക്കായി ജാൻവി അഞ്ച് കോടിയോളം രൂപ നേടിയതായും റിപ്പോർട്ടുകളുണ്ട്.
അതേസമയം ദേവര മികച്ച കളക്ഷനാണ് നേടി കൊണ്ടിരിക്കുന്നത്. ചിത്രം ഇതിനകം 525 കോടിയോളം രൂപ ആഗോളതലത്തിൽ നേടി കഴിഞ്ഞു. ജനതാ ഗാരേജിന് ശേഷം സംവിധായകൻ കൊരട്ടാല ശിവയും എൻടിആറും ഒന്നിച്ച ചിത്രമാണ് ദേവര. യുവസുധ ആർട്ട്‌സും എൻടിആർ ആർട്സും ചേർന്നാണ് ചിത്രം നിർമിച്ചിരിക്കുന്നത്. രണ്ട് ഭാഗങ്ങളായി ഒരുങ്ങുന്ന ചിത്രത്തിന്റെ ആദ്യ ഭാഗമാണ് ഇപ്പോൾ പ്രദർശനത്തിന് എത്തിയിരിക്കുന്നത്.
ചിത്രത്തിൽ ദേവര, വരദ എന്നിങ്ങനെ ഇരട്ട വേഷങ്ങളിലാണ് ജൂനിയർ എൻടിആർ എത്തിയിരിക്കുന്നത്. പ്രകാശ് രാജ്, ഷൈൻ ടോം ചാക്കോ, ശ്രീകാന്ത് എന്നിവരും ചിത്രത്തിൽ അണിനിരക്കുന്നുണ്ട്. അനിരുദ്ധ് രവിചന്ദർ ആണ് ചിത്രത്തിന്റെ സംഗീത സംവിധാനം നിർവഹിക്കുന്നത്.
Content Highlights: Saif Ali Khan's remunaration for Devara Movie
