Get the latest news at
your fingertips!
Download our app now
LIVE TV
Search
അമേരിക്കൻ സൂപ്പർഹീറോ ചിത്രമായ വെനത്തിന്റെ മൂന്നാം ഭാഗത്തിന്റെ റിലീസിനായി ആരാധകർ ഏറെ പ്രതീക്ഷയോടെ കാത്തിരിക്കുകയാണ്. വെനം ദി ലാസ്റ്റ് ഡാൻസ് എന്ന് പേരിട്ടിരിക്കുന്ന സിനിമയുടെ റിലീസ് സംബന്ധിച്ച് വമ്പൻ അപ്ഡേറ്റാണ് വന്നിരിക്കുന്നത്. ചിത്രം ഇന്ത്യയിൽ ഒരു ദിവസം മുന്നേ റിലീസ് ചെയ്യുമെന്നാണ് ഒടിടി പ്ലേ റിപ്പോർട്ട് ചെയ്യുന്നത്.
ഇന്ത്യൻ സിനിമാപ്രേമികൾക്കിടയിൽ സിനിമയുടെ ഹൈപ്പ് വർധിക്കുന്ന സാഹചര്യത്തിൽ ഈ മാസം 24 ന് റിലീസ് ചെയ്യുന്നതിനാണ് അണിയറപ്രവർത്തകർ തീരുമാനിച്ചിരിക്കുന്നത്. വെനം ട്രിലജിയുടെ അവസാന ചിത്രമാണ് വെനം ദി ലാസ്റ്റ് ഡാൻസ്. 2018 ലായിരുന്നു വെനത്തിന്റെ ആദ്യചിത്രം റിലീസ് ചെയ്തത്. 2021 ലാണ് രണ്ടാം ഭാഗം തിയേറ്ററുകളിലെത്തിയത്. ഇരുഭാഗങ്ങളും ചേർന്ന് ആഗോളതലത്തിൽ 1.3 ബില്യൺ ഡോളറാണ് നേടിയത്.
ടോം ഹാർഡി നായകനാകുന്ന ചിത്രത്തിൽ ചിവെറ്റെൽ എജിയോഫോർ, ജൂനോ ടെമ്പിൾ, റൈസ് ഇഫാൻസ്, പെഗ്ഗി ലു, അലന്ന ഉബാച്ച്, സ്റ്റീഫൻ ഗ്രഹാം തുടങ്ങിയവർ മറ്റു പ്രധാന കഥാപാത്രങ്ങളെ അവതരിപ്പിക്കുന്നു. ഹാർഡിയുടെയും മാർസെലിൻ്റെയും കഥയെ അടിസ്ഥാനമാക്കി കെല്ലി മാർസെലുൻറെ തിരക്കഥയിലാണ് ചിത്രം ഒരുങ്ങുന്നത്. അവി അരാദ്, മാറ്റ് ടോൾമാച്ച്, ആമി പാസ്കൽ, കെല്ലി മാർസൽ, ടോം ഹാർഡി, ഹച്ച് പാർക്കർ എന്നിവർ ചേർന്നാണ് ചിത്രം നിർമ്മിക്കുന്നത്.
Content Highlights: Venom The Last Dance to release in India a day earlier
