Get the latest news at
your fingertips!
Download our app now
LIVE TV
Search
ലിജോ ജോസ് പെല്ലിശ്ശേരി ആദ്യമായി അവതരിപ്പിക്കുന്ന മലയാള സിനിമ 'പല്ലൊട്ടി 90സ് കിഡ്‌സ്' റിലീസിന് ഒരുങ്ങുന്നു. സംസ്ഥാന പുരസ്‌കാരം ലഭിച്ച ചിത്രം ഒക്ടോബർ 25 നാണ് തിയേറ്ററിൽ എത്തുന്നത്.
സിനിമ പ്രാന്തൻ പ്രൊഡക്ഷൻസിന്റെ ബാനറിൽ നടനും സംവിധായകനുമായ സാജിദ് യഹിയ, നിതിൻ രാധാകൃഷ്ണൻ എന്നിവർ നിർമ്മിച്ച ചിത്രം നവാഗതനായ ജിതിൻ രാജാണ് സംവിധാനം ചെയ്തത്.
റിലീസിന് മുമ്പ് തന്നെ മൂന്ന് സംസ്ഥാന പുരസ്‌കാരം നേടിയ ചിത്രത്തിൽ മാസ്റ്റർ ഡാവിഞ്ചി സന്തോഷ്, മാസ്റ്റർ നീരജ് കൃഷ്ണ എന്നിവരാണ് പ്രധാന കഥാപാത്രങ്ങളായി എത്തുന്നത്. യുവതാരങ്ങളായ അർജുൻ അശോകൻ, ബാലു വർഗീസ് എന്നിവരും ചിത്രത്തിലുണ്ട്.
സൈജു കുറുപ്പ്, നിരഞ്ജന അനൂപ് സുധി കോപ്പ, ദിനേഷ് പ്രഭാകർ, വിനീത് തട്ടിൽ,അബു വളയംകുളം എന്നിവരാണ് മറ്റു പ്രധാനകഥാപാത്രങ്ങളെ അവതരിപ്പിക്കുന്നത്.
സംവിധായകന്റെ തന്നെ കഥയ്ക്ക് ദീപക് വാസൻ ആണ് തിരക്കഥ രചിച്ചിരിക്കുന്നത്. കാമറ ഷാരോൺ ശ്രീനിവാസ്. എഡിറ്റിങ് രോഹിത് വാരിയത്, സംഗീതം മണികണ്ഠൻ അയ്യപ്പ എന്നിവരാണ്, സുഹൈൽ കോയയുടെതാണ് ചിത്രത്തിലെ വരികൾ.
പ്രൊജക്ട് ഡിസൈൻ ബാദുഷ. ആർട്ട് ഡയയറക്ടർ ബംഗ്ലാൻ, ചീഫ് അസ്സോസിയേറ്റ് ഡയറക്ടർ വിജിത്ത്. ശബ്ദ രൂപകൽപ്പന ശങ്കരൻ എ എസ്, കെ സി സിദ്ധാർത്ഥൻ. ശബ്ദ മിശ്രണം വിഷ്ണു സുജാതൻ. ചമയം നരസിംഹ സ്വാമി. വസ്ത്രാലങ്കാരം പ്രവീൺ വർമ്മ. നിശ്ചല ഛായാഗ്രഹണം നിദാദ് കെ എൻ. കാസ്റ്റിംഗ് ഡയറക്ടർ അബു വളയകുളം. ക്രീയേറ്റീവ് പരസ്യ കല കിഷോർ ബാബു.
Content Highlights: Lijo Jose Pellissery Presents Pallotty 90s Kids on October 25,
