Get the latest news at
your fingertips!
Download our app now
LIVE TV
Search
മോഹൻലാൽ ആദ്യമായി സംവിധായകന്റെ കുപ്പായം അണിയുന്ന ചിത്രമെന്നതിനാൽ തന്നെ ബറോസിന് മേൽ വലിയ പ്രതീക്ഷയാണ് ആരാധകർക്കുള്ളത്. വലിയ ക്യാൻവാസിൽ ഒരുങ്ങുന്ന സിനിമയുടെ ഓരോ അപ്ഡേറ്റും സോഷ്യൽ മീഡിയയിൽ ശ്രദ്ധ നേടാറുമുണ്ട്. ഇപ്പോഴിതാ സിനിമയുടെ ചില സ്റ്റില്ലുകളാണ് സമൂഹ മാധ്യമങ്ങളിൽ വൈറലായിരിക്കുന്നത്.
മോഹൻലാലിന്റേയും മറ്റു ചില കഥാപാത്രങ്ങളുടെയും സ്റ്റില്ലുകളാണ് പുറത്തുവന്നിരിക്കുന്നത്. അതിഗംഭീരവും അന്താരാഷ്ട്ര നിലവാരവുമുള്ള സിനിമയായിരിക്കും ബറോസ് എന്ന് സൂചന നൽകുന്നതാണ് സ്റ്റില്ലുകൾ എന്നാണ് പല ആരാധകരും അഭിപ്രായപ്പെടുന്നത്. 'സംവിധായകൻ മോഹൻലാൽ എന്തോ വലുത് ഒരുക്കുന്നുണ്ട്' എന്നാണ് ഒരു ആരാധകൻ ഈ സ്റ്റില്ലുകളെക്കുറിച്ച് അഭിപ്രായപ്പെട്ടത്. 'ഈ സ്റ്റില്ലുകൾ മാത്രം മതി ബറോസിന് മേലുള്ള പ്രതീക്ഷ വർധിക്കാൻ' എന്നാണ് മറ്റൊരു ആരാധകന്റെ കമന്റ്. 'ഹോളിവുഡ് ടച്ചുളള സിനിമയാകും ബറോസ് 'എന്നാണ് മറ്റൊരാള്‍ സമൂഹ മാധ്യമങ്ങളിലൂടെ പ്രത്യാശ പങ്കുവെച്ചത്.
Fascinating stills from #Barroz
— What The Fuss (@WhatTheFuss_) October 23, 2024
A #Mohanlal film. pic.twitter.com/sEntc86gzt
#BARROZ Stills🔥#Mohanlal pic.twitter.com/REnhnXdd8J
— Bollywood Dadi (@bollywooddadi) October 23, 2024
'ബറോസ്' ക്രിസ്തുമസ് റിലീസായി ഡിസംബർ 19 ന് തിയേറ്ററിലെത്തുമെന്ന റിപ്പോർട്ടുകളുണ്ട്. 'മൈ ഡിയർ കുട്ടിച്ചാത്തൻ' സംവിധാനം ചെയ്ത ജിജോയുടെ കഥയെ ആസ്പദമാക്കിയാണ് മോഹൻലാൽ സിനിമയൊരുക്കുന്നത്. മോഹൻലാലിന്റെ സംവിധാന അരങ്ങേറ്റം എന്ന നിലയിൽ പ്രഖ്യാപന സമയം മുതൽ പ്രേക്ഷകശ്രദ്ധയിലുള്ള ചിത്രമാണിത്. ആന്റണി പെരുമ്പാവൂരാണ് ചിത്രത്തിന്റെ നിർമാണം.
മോഹൻലാൽ തന്നെയാണ് സിനിമയിലെ പ്രധാന കഥാപാത്രമായ ബറോസിനെ അവതരിപ്പിക്കുന്നത്. 2019 ഏപ്രിലിൽ പ്രഖ്യാപിക്കപ്പെട്ട ബറോസിന്റെ ഒഫീഷ്യൽ ലോഞ്ച് 2021 മാർച്ച് 24ന് ആയിരുന്നു. 170 ദിവസത്തോളം ചിത്രീകരണം നടന്നിരുന്നു. സന്തോഷ് ശിവൻ ക്യാമറയും സന്തോഷ് രാമൻ പ്രൊഡക്ഷൻ ഡിസൈനും നിർവഹിക്കുന്നു.
Content highlights: Mohanlal movie Barroz new stills gone viral on social media
