Get the latest news at
your fingertips!
Download our app now
LIVE TV
Search
'മെഗാ ഫാമിലി' എന്ന് വിളിക്കപ്പെടുന്ന ചിരഞ്ജീവിയുടെ കുടുംബവും തെലുങ്ക് നടൻ അല്ലു അര്‍ജുനും തമ്മിൽ ഭിന്നതയുണ്ട് എന്ന തരത്തിൽ അഭ്യൂഹങ്ങൾ സമൂഹ മാധ്യമങ്ങളിൽ സജീവമാണ്. നടന്റെ ആരാധകരും പവൻ കല്യാൺ ആരാധകരും തമ്മിൽ ഇക്കാര്യത്തെ ചൊല്ലി തർക്കങ്ങളും രൂപപ്പെട്ടിരുന്നു. ഈ വിഷയം അല്ലുവിന്റെ പുതിയ ചിത്രമായ പുഷ്പ 2 ന്റെ ബോക്‌സ് ഓഫീസ് പ്രകടനത്തെ ബാധിക്കുമോ എന്ന ആശങ്ക പലരും സമൂഹ മാധ്യമങ്ങളിൽ പങ്കുവെക്കുന്നുണ്ട്. ഇപ്പോഴിതാ വിഷയത്തിൽ പ്രതികരിക്കുകയാണ് പുഷ്പയുടെ നിർമാതാക്കളായ നവീൻ യെർനേനിയും രവിശങ്കർ യലമഞ്ചിലിയും.
തിരഞ്ഞെടുപ്പ് സമയത്ത് ചെറിയ സംഭവങ്ങൾ ഉണ്ടായിട്ടുണ്ട്. എന്നാൽ രഷ്ട്രീയത്തിനപ്പുറം എല്ലാ ആരാധകരും സിനിമയ്ക്കായി കാത്തിരിക്കുകയാണ് എന്ന് നവീൻ പറഞ്ഞു. അല്ലുവും മെഗാ കുടുംബവും തമ്മിൽ യാതൊരു വിധ പ്രശ്നങ്ങളുമില്ല. ശിൽപ രവി ചന്ദ്ര കിഷോറിനെ അല്ലു സന്ദർശിച്ചതിനെ രാഷ്ട്രീയവത്കരിക്കേണ്ടതില്ല, അത് ഒരു സുഹൃത്തിനെ പിന്തുണച്ചതാണെന്നും രവിശങ്കർ പറഞ്ഞു. കൽക്കി 2898 എ ഡി യുടെ റിലീസ് സമയത്ത് തങ്ങൾ പവൻ കല്യാണിനെ കണ്ടിരുന്നു. അദ്ദേഹം സിനിമയ്ക്ക് പൂർണ്ണ പിന്തുണ തന്നുവെന്നും നിർമാതാക്കൾ അറിയിച്ചു.
കഴിഞ്ഞ കുറച്ച് നാളുകളായി അല്ലുവും മെഗാ കുടുംബവും തമ്മിൽ പ്രശ്നങ്ങളുള്ളതായുള്ള വാർത്തകൾ ചർച്ചാവിഷയമാണ്. തിരഞ്ഞെടുപ്പ് സമയത്ത് തന്റെ സുഹൃത്തും നന്ദ്യാലിൽ വൈ എസ് ആർ സി പി സ്ഥാനാർത്ഥിയുമായിരുന്ന ശിൽപ രവി ചന്ദ്ര കിഷോർ റെഡ്ഡിയെ പിന്തുണയ്ക്കുന്നതിനായി അല്ലു അർജുൻ എത്തിയത് വലിയ രാഷ്ട്രീയ വിവാദങ്ങൾക്ക് വഴി വെച്ചിരുന്നു. അല്ലു അർജുന്റെ അമ്മാവനും ജന സേന പാർട്ടി നേതാവുമായിരുന്ന പവൻ കല്ല്യാൺ തിരഞ്ഞെടുപ്പിൽ മത്സരിക്കുമ്പോൾ തന്നെയായിരുന്നു അല്ലു പവൻ കല്ല്യാണിന്റെ എതിർ പാർട്ടിക്കാരനായ ശിൽപ രവി ചന്ദ്ര കിഷോർ റെഡ്ഡിയെ പിന്തുണച്ചുകൊണ്ട് എത്തിയത്.
എന്നാൽ രാഷ്ട്രീയത്തിൽ താൻ നിഷ്പക്ഷനാണെന്നും പാർട്ടി വ്യത്യാസമില്ലാതെ സുഹൃത്തുക്കളെ പിന്തുണയ്ക്കുന്നതായും അല്ലു അർജുൻ പറഞ്ഞിരുന്നു. ശില്‍പ രവി ചന്ദ്ര കിഷോർ റെഡ്ഡിയെ സന്ദർശിച്ചത് ഏതെങ്കിലും രാഷ്ട്രീയ പാർട്ടിയെ പിന്തുണയ്ക്കാനല്ലെന്നും പകരം തന്റെ സുഹൃത്തിന് വേണ്ടിയുള്ള പിന്തുണയാണെന്നും അദ്ദേഹം വ്യക്തമാക്കിയിരുന്നു.
Content Highlights: Pushpa 2 producers reacts on the rumors of rift between Allu Arjun and the Mega family
