Get the latest news at
your fingertips!
Download our app now
LIVE TV
Search
സൂര്യ നായകനാകുന്ന നാൽപ്പത്തി അഞ്ചാമത് ചിത്രം ഈ അടുത്താണ് അണിയറ പ്രവർത്തകർ ഔദ്യോഗികമായി പ്രഖ്യാപിച്ചത്. സൂര്യ 45 എന്ന് താത്കാലികമായി പേരിട്ടിരിക്കുന്ന ചിത്രം എൽ കെ ജി, മൂക്കുത്തി അമ്മൻ തുടങ്ങിയ ചിത്രങ്ങൾ സംവിധാനം ചെയ്ത ആർ ജെ ബാലാജിയാണ് സംവിധാനം ചെയ്യുന്നത്. ഇപ്പോഴിതാ കങ്കുവയുടെ ഓഡിയോ ലോഞ്ചിനിടയിൽ സൂര്യ 45 നെക്കുറിച്ച് ആർ ജെ ബാലാജി പറഞ്ഞ വാക്കുകളാണ് വൈറലായിരിക്കുന്നത്.
സൂര്യ 45 ഒരു ഗംഭീര മാസ് ചിത്രമായിരിക്കും എന്നാണ് ആർ ജെ ബാലാജി പറഞ്ഞത്. വലിയ സംവിധായകരുടെ തിരക്കഥകൾ പോലും വേണ്ടെന്ന് വെച്ച സൂര്യ എങ്ങനെയാണ് നിങ്ങളെ തിരഞ്ഞെടുത്തത് എന്ന് ഒരു സഹസംവിധായകൻ ഒരിക്കൽ തന്നോട് ചോദിച്ചു. എന്നാൽ അന്ന് താൻ അതിന് മറുപടി ഒന്നും നൽകാതെ ചിരിച്ചു കൊണ്ട് അവിടെ നിന്ന് മടങ്ങി. തന്നെയും ആ തിരക്കഥയെയും വിശ്വസിച്ചതിന് സൂര്യ സാറിന് നന്ദി. 'വാട്ട് ആർ യു കുക്കിംഗ് ബ്രോ' എന്ന് പലരും ട്വിറ്ററിൽ ചോദിക്കുന്നുണ്ട്. അവരോട് 'ഭയങ്കരമാ…സെമ്മ മാസാ സമച്ചുതരുവേൻ' എന്നാണ് തനിക്ക് പറയാനുള്ളത്. ആർ ജെ ബാലാജി പറഞ്ഞത് ഇങ്ങനെ.
സംവിധായകന്റെ ഈ വാക്കുകൾ ആരാധകർ ഇതിനകം ഏറ്റെടുത്തു കഴിഞ്ഞിട്ടുണ്ട്. പല സൂര്യ ആരാധകരും ഈ വീഡിയോ സമൂഹ മാധ്യമങ്ങളിലൂടെ പങ്കുവെക്കുന്നുണ്ട്.
• #Suriya45 Director @RJ_Balaji Speech about @Suriya_offl na & #Kanguva #KanguvaAudioLaunch pic.twitter.com/gROLH9RTbb
— Suriya 千ans Rage™ (@Suriyafansrages) October 26, 2024
ജോക്കർ, അരുവി, തീരൻ അധികാരം ഒൻട്ര്, കൈതി, സുൽത്താൻ, ഒകെ ഒകാ ജീവിതം, ഫർഹാന തുടങ്ങിയ നിരൂപക പ്രശംസ നേടിയ ബ്ലോക്ക്ബസ്റ്ററുകൾ നിർമിച്ച പ്രശസ്ത പ്രൊഡക്ഷൻ ഹൗസായ ഡ്രീം വാരിയർ പിക്‌ചേഴ്‌സാണ് സൂര്യ 45 നിർമ്മിക്കുന്നത്. എ ആർ റഹ്മാൻ ആണ് ചിത്രത്തിന്റെ സംഗീത സംവിധാനം. അടുത്ത വർഷമായിരിക്കും സിനിമയുടെ റിലീസ്.
അതേസമയം സിരുത്തൈ ശിവ സംവിധാനം ചെയ്യുന്ന 'കങ്കുവ'യാണ് സൂര്യയുടേതായി റിലീസിന് ഒരുങ്ങുന്ന സിനിമ. നവംബർ 14ന് റിലീസിനെത്തുന്ന സിനിമയുടെ ബജറ്റ് 350 കോടിയാണ്. സ്റ്റുഡിയോ ഗ്രീനിന്റെ ബാനറിൽ കെ ഇ ജ്ഞാനവേൽ രാജ, യു വി ക്രിയേഷൻസിന്റെ ബാനറിൽ വംശി പ്രമോദ് എന്നിവർ ചേർന്നാണ് ഈ ചിത്രം നിർമ്മിച്ചിരിക്കുന്നത്. രണ്ട് ഭാഗങ്ങളായാണ് 'കങ്കുവ' ഒരുങ്ങുന്നത്.
Content Highlights: R J Balaji talks about Suriya 45 in Kanguva audio launch event
