Get the latest news at
your fingertips!
Download our app now
LIVE TV
Search
പൃഥ്വിരാജിനെ നായകനാക്കി അമൽ നീരദ് സംവിധാനം ചെയ്ത അൻവറിന് തുടർച്ചയായി വെബ് സീരിസും സിനിമയുടെ രണ്ടാം ഭാഗവും ഒരുങ്ങുന്നു. നിർമാതാവ് രാജ് സക്കറിയാസ് ആണ് ചിത്രത്തിന് തുടർച്ചയുണ്ടാവുന്ന കാര്യം പ്രഖ്യാപിച്ചത്.
അൻവർ സിനിമയുടെ തുടർച്ചയായി ഹിന്ദിയിൽ വെബ് സീരിസ് ആണ് ആദ്യം ഒരുങ്ങുന്നത്.
'കശ്മീർ കാബൂൾ കറാച്ചി' എന്ന പേരിൽ ഒരുങ്ങുന്ന ഈ വെബ് സീരിസ് 2025 ൽ റിലീസ് ചെയ്യുമെന്ന് നിർമാതാവ് അറിയിച്ചു. ഇതുകൂടാതെ അൻവർ സിനിമയുടെ രണ്ടാം ഭാഗവും അലോചനയിൽ ഉണ്ടെന്നും നിർമാതാവ് പറഞ്ഞു.
2010 ലാണ് അമൽ നീരദിന്റെ സംവിധാനത്തിൽ അൻവർ സിനിമ റിലീസിനെത്തിയത്. അമൽ നീരദിന്റെ തിരക്കഥയ്ക്ക് ഉണ്ണി ആറും ശ്രീജിത്ത് ഡിയും ചേർന്നായിരുന്നു സംഭാഷണങ്ങൾ എഴുതിയത്. നേരത്തെ അൻവറിന്റെ 4 കെ പതിപ്പിന്റെ റീ റിലീസ് നടന്നിരുന്നു. റിലീസ് നടന്ന് 14 വർഷത്തിന് ശേഷമാണ് അൻവർ റീ റിലീസ് നടന്നത്.
പ്രകാശ് രാജ്, ലാൽ, മംമ്ത മോഹൻദാസ്, അസിം ജമാൽ, സമ്പത് രാജ്, ജിനു ജോസെഫ്, സുധീർ കരമന, സായ് കുമാർ, ഗീത, നിത്യ മേനോൻ, സലിം കുമാർ, ശ്രീജിത്ത് രവി എന്നിവരായിരുന്നു ചിത്രത്തിലെ പൃഥ്വിരാജിനൊപ്പം പ്രധാനകഥാപാത്രങ്ങളെ അവതരിപ്പിച്ചത്.
സതീഷ് കുറുപ്പായിരുന്നു ചിത്രത്തിന്റെ കാമറ. ഗോപി സുന്ദറായിരുന്നു ചിത്രത്തിന്റെ സംഗീത സംവിധാനം. എഡിറ്റർ- വിവേക് ഹർഷൻ, കലാസംവിധാനം- ജോസഫ് നെല്ലിക്കൽ, സൗണ്ട് ഡിസൈൻ- തപസ് നായക്, ആക്ഷൻ - അനൽ അരശ്, വസ്ത്രാലങ്കാരം- പ്രവീൺ വർമ്മ, മേക്കപ്പ്- രഞ്ജിത്ത് അമ്പാടി, പ്രോക്ഷൻ കൺട്രോളർ- അനിൽ മാത്യു എന്നിവരായിരുന്നു ചിത്രത്തിന്റെ അണിയറ പ്രവർത്തകർ.
Content Highlights: 'Kashmir Kabul Karachi' sequel to Prithviraj's Anwar Movie; web series and the second part movie announced by Producer
