Get the latest news at
your fingertips!
Download our app now
LIVE TV
Search
'ലൗ ആക്ഷൻ ഡ്രാമ'ക്ക് ശേഷം നിവിൻ പോളിക്കൊപ്പമുള്ള പുതിയ ചിത്രമായ ഡിയർ സ്റുഡൻസിന്റെ ചിത്രീകരണ തിരക്കുകളിലാണ് തെന്നിന്ത്യൻ നായിക നയൻ‌താര ഇപ്പോൾ. ചെറിയൊരു ഇടവേളയ്ക്ക് ശേഷം നടി മലയാളത്തിൽ അഭിനയിക്കുന്ന ചിത്രം കൂടിയാണിത്. ഈ സിനിമയുടെ ഷൂട്ടിംഗ് സെറ്റിൽ നിന്നുള്ള രസകരമായ വീഡിയോയാണ് ഇപ്പോൾ ശ്രദ്ധ നേടുന്നത്.
രാത്രിയിൽ സിനിമയുടെ ഷൂട്ടിംഗ് നടക്കവേ തൊട്ടപ്പുറത്തെ വീട്ടിൽ നിന്ന് ഒരു കുട്ടി ആരാധകൻ നടിയുടെ പേര് വിളിക്കുന്നതും അതിന് നടിയുടെ പ്രതികരണവുമാണ് വീഡിയോയിലുള്ളത്. കുട്ടി ആരാധകൻ വിളിക്കുമ്പോൾ നയൻസ് അങ്ങോട്ട് നോക്കുകയും കുട്ടിയോട് ആംഗ്യങ്ങളിലൂടെ ഭക്ഷണം കഴിച്ചോ എന്ന് ചോദിക്കുകയും ചെയ്യുന്നു. ശേഷം തന്റെ കുട്ടി ആരാധകനോട് നയന്‍താര
ഉറങ്ങാൻ ആവശ്യപ്പെടുന്നതും വീഡിയോയിൽ കാണാം. വീഡിയോ സമൂഹ മാധ്യമങ്ങളിൽ വൈറലായി കഴിഞ്ഞു.
ജോർജ് ഫിലിപ്പ് റോയ്, സന്ദീപ് കുമാർ എന്നിവർ ചേർന്ന് സംവിധാനം ചെയ്യുന്ന ചിത്രമാണ് 'ഡിയർ സ്റ്റുഡൻസ്'. കർമ്മ മീഡിയ നെറ്റ്‌വർക്ക് എൽ എൽ പി, അൾട്രാ എന്നിവയുമായി സഹകരിച്ച് പോളി ജൂനിയർ പിക്‌ചേഴ്‌സാണ് ചിത്രം നിർമ്മിക്കുന്നത്.
A cute boy calling #Nayanthara in shooting spot. She responded to her cute little fan 😍😍🔥🔥#Nayantara #Nayanathara#Nayantharahot #Toxic#DearStudents #LadySuperstar#LokeshKanagaraj #SRK #Sreeleela #TVKVijay pic.twitter.com/LmJAQBnCiq
— Monish (@Monish09cric) October 27, 2024
അതേസമയം ലവ് ഇൻഷുറൻസ് കമ്പനി എന്ന ചിത്രവും നയൻ‌താര നിർമ്മിക്കുന്നുണ്ട്. റൗഡി പിക്ചേഴ്സിന്‍റെ ബാനറില്‍ നിര്‍മ്മിക്കുന്ന ചിത്രം വിഗ്നേഷ് ശിവനാണ് സംവിധാനം ചെയ്യുന്നത്. ലിയോ ചിത്രത്തിന്റെ നിര്‍മ്മാതാവ് എസ്എസ് ലളിത് കുമാര്‍ ചിത്രത്തിന്റെ സഹ നിര്‍മ്മാതാവാണ്.
Content Highlights: Nayanthara cute moment with little fan gone viral
