Get the latest news at
your fingertips!
Download our app now
LIVE TV
Search
പ്രിവ്യൂ ഷോകൾ അവസാനിക്കുമ്പോൾ മികച്ച പ്രേക്ഷക പ്രതികരണം നേടുകയാണ് ദുൽഖർ ചിത്രം 'ലക്കി ഭാസ്കർ'. ദീപാവലി റിലീസുകളിലെ ആദ്യ ഹിറ്റ് ദുൽഖർ സ്വന്തമാക്കിയെന്നും വളരെ മികച്ച തിരക്കഥയാണ് സിനിമയുടേതെന്നുമാണ് ആദ്യ പ്രതികരണങ്ങൾ. ചിത്രത്തിലെ ദുൽഖറിന്റെ പ്രകടനത്തെയും പ്രേക്ഷകർ പുകഴ്ത്തുന്നുണ്ട്. 100 ൽ അധികം പ്രിവ്യൂ ഷോകളായിരുന്നു നിർമാതാക്കൾ റിലീസിന്റെ തലേദിവസമായ ഇന്ന് സംഘടിപ്പിച്ചത്.
#LuckyBaskhar A thrilling Winner👏👏👏
— ForumKeralam (@Forumkeralam2) October 30, 2024
Solid first half followed by equally good second half👌 @dulQuer makes a strong comeback in a film which balances thrills and emotions in a gripping manner. Venky Atluri gives a mass connect to a class kind of plot & that is going to pay off… pic.twitter.com/65cKn3DCIf
വൈകുന്നേരം ഏഴ് മണി മുതൽ ആയിരുന്നു പ്രിവ്യു ഷോകൾ ആരംഭിച്ചത്. പല ഷോകളും നേരത്തെ തന്നെ ഫുൾ ആയിരുന്നു. പ്രേക്ഷകരിൽ നിന്നുള്ള മികച്ച സ്വീകരണത്തെ തുടർന്ന് ആദ്യത്തേക്കാൾ അധികം ഷോസ് ആണ് സിനിമക്കായി നിർമാതാക്കൾ ചാർട്ട് ചെയ്തത്. നിരവധി ട്വിസ്റ്റുകളും പ്രേക്ഷകരെ മുൾമുനയിൽ നിർത്തുന്ന മൊമെന്റുകളും സിനിമയിൽ ഉണ്ടെന്നാണ് ചിത്രം കണ്ട പ്രേക്ഷകർ എക്സിൽ കുറിക്കുന്നത്. തെലുങ്ക് ഇൻഡസ്ട്രി ദുൽഖർ ഭരിക്കുമെന്നും പ്രതികരണങ്ങളുണ്ട്. വെങ്കി അറ്റ്‌ലൂരി ആണ് ചിത്രം സംവിധാനം ചെയ്യുന്നത്.
First Diwali BLOCKBUSTER REPORTED — @dulQuer #DulquerSalmaan's #LuckyBaskhar 🔥🔥🔥#HappyDiwali pic.twitter.com/bss94aQDW6
— AB George (@AbGeorge_) October 30, 2024
തെലുങ്കിന് പുറമെ തമിഴ്, മലയാളം, ഹിന്ദി ഭാഷകളിലും ചിത്രം പ്രദർശനത്തിനെത്തും. മീനാക്ഷി ചൗധരി ആണ് ചിത്രത്തിൽ നായികയായി എത്തുന്നത്. ദേശീയ അവാർഡ് ജേതാവായ സംഗീത സംവിധായകൻ ജി വി പ്രകാശ് കുമാറാണ് ലക്കി ഭാസ്കറിന് സംഗീതം പകരുന്നത്. 1980-1990 കാലഘട്ടത്തെ കഥയാണ് 'ലക്കി ഭാസ്കർ' പറയുന്നത്.
ബാങ്ക് ഉദ്യോഗസ്ഥനായ ഭാസ്കർ കുമാർ ആയിട്ടാണ് ദുൽഖർ എത്തുന്നത്. സിതാര എന്റർടെയിൻമെന്റ്‌സിന്റെ ബാനറിൽ സൂര്യദേവര നാഗ വംശിയും ഫോർച്യൂൻ ഫോർ സിനിമാസിന്റെ ബാനറിൽ സായ് സൗജന്യയും ചേർന്ന് നിർമ്മിക്കുന്ന ചിത്രം ശ്രീകര സ്റ്റുഡിയോസാണ് അവതരിപ്പിക്കുന്നത്.
Content Highlights: Lucky Baskhar getting super reviews after preview shows
