Get the latest news at
your fingertips!
Download our app now
LIVE TV
Search
ബോളിവുഡ് സിനിമ പ്രേമികൾ ഒന്നടങ്കം കാത്തിരിക്കുന്ന ചിത്രങ്ങളാണ് സിംഗം എഗൈനും ഭൂൽ ഭുലയ്യ 3 യും. രോഹിത് ഷെട്ടിയുടെ കോപ്പ് യൂണിവേഴ്‌സ് ഫ്രാഞ്ചൈസിയിലെ അഞ്ചാമത്തെ ചിത്രമാണ് 'സിംഗം എഗെയ്ൻ'. 2014 ൽ റിലീസ് ചെയ്ത സിംഗം റിട്ടേൺസിന്റെ തുടർച്ച കൂടിയാണ് ഈ ചിത്രം. അജയ് ദേവ്ഗൺ ഡിസിപി ബാജിറാവു സിംഗമായി എത്തുന്ന ചിത്രത്തിൽ രൺവീർ സിംഗ് , ദീപിക പദുക്കോൺ, അക്ഷയ് കുമാർ , ടൈഗർ ഷ്റോഫ്, ജാക്കി ഷ്റോഫ്, കരീന കപൂർ തുടങ്ങി വൻ താരനിരയാണുള്ളത്.
മലയാളത്തിലെ ക്ലാസിക് ചിത്രം മണിച്ചിത്രത്താഴിന്റെ ഹിന്ദി റീമേക്ക് ആയ 'ഭൂൽ ഭുലയ്യ'യുടെ മൂന്നാം ഭാഗമാണ് 'ഭൂൽ ഭുലയ്യ 3'. ചിത്രത്തില്‍ കാർത്തിക് ആര്യനാണ് നായകനാവുന്നത്. നവംബർ ഒന്നിന് ചിത്രങ്ങൾ തിയേറ്ററിൽ എത്തുമ്പോൾ മറ്റൊരു സന്തോഷം കൂടി പ്രേക്ഷകരെ കാത്തിരിക്കുന്നുണ്ട്.
വരുൺ ധവാൻ നായകനാവുന്ന ബേബി ജോണിന്റെ ടീസർ കട്ട് എക്‌സ്‌ക്ലൂസീവ് ആയി ഈ ചിത്രങ്ങൾക്കൊപ്പം കാണിക്കും. നവംബർ 4 ന് മാത്രമേ ബേബി ജോണിന്റെ ടീസർ ഡിജിറ്റലിൽ റിലീസ് ചെയ്യുകയുള്ളു. 2016 ൽ വിജയ്‌യെ നായകനാക്കി അറ്റ്‌ലി സംവിധാനം ചെയ്ത 'തെരി'യുടെ അഡാപ്‌റ്റേഷൻ ആണ് 'ബേബി ജോൺ'.
വരുൺ ധവാൻ നായകനാകുന്ന ചിത്രം സംവിധാനം ചെയ്യുന്നത് കാലീസ് ആണ്. വരുൺ ധവാന്റെ ആദ്യ മുഴുനീള ആക്ഷൻ ചിത്രമാണിത്. അറ്റ്‌ലി, മുറാദ് ഖേതാനി, ജ്യോതി ദേശ്പാണ്ഡെ എന്നിവരാണ് ചിത്രം നിർമിക്കുന്നത്. സുമിത് അറോറയാണ് ഡയലോഗുകൾ എഴുതിയിരിക്കുന്നത്. കീർത്തി സുരേഷ്, വാമിക ഗബ്ബി, ജാക്കി ഷ്റോഫ് എന്നിവരാണ് ചിത്രത്തിലെ മറ്റു പ്രധാനകഥാപാത്രങ്ങളെ അവതരിപ്പിക്കുന്നത്.
Content Highlights: Atlee - Varun Dhawan movie Baby John's teaser will be played with Singham Again and Bhool Bhulayya 3 in theatres
