Get the latest news at
your fingertips!
Download our app now
LIVE TV
Search
കിടിലൻ ഡാൻസ് നമ്പറുകളിലൂടെ ആരാധകരെ സ്വന്തമാക്കിയ താരമാണ് നോറ ഫത്തേഹി. ബോളിവുഡില്‍ മാത്രമല്ല, മലയാളമടക്കമുള്ള തെന്നിന്ത്യന്‍ സിനിമകളിലും നോറ സാന്നിധ്യം അറിയിച്ചിട്ടുണ്ട്. നോറ ഫത്തേഹിയുടെ ഹിറ്റ് ഡാൻസ് നമ്പറുകളിലൊന്നായിരുന്നു സത്യമേവ ജയതേ എന്ന ചിത്രത്തിലെ ദിൽബർ എന്ന ഗാനം. ഈ ഗാനത്തിന് ഡാൻസ് ചെയ്യാൻ നേരത്തെ വിസമ്മതിച്ചിരുന്നു എന്ന നോറയുടെ വെളിപ്പെടുത്തൽ ഇപ്പോൾ ശ്രദ്ധേയമാവുന്നു. മെൽബൺ 2024 ഇന്ത്യൻ ഫിലിം ഫെസ്റ്റിവലിൽ രാജീവ് മസന്ദിന് നൽകിയ അഭിമുഖത്തിലാണ് നോറയുടെ പ്രതികരണം.
'ദിൽബർ ഗാനം ചിത്രീകരിക്കുമ്പോൾ ധരിക്കേണ്ടിയിരുന്ന വസ്ത്രം അവർ തന്നു, ബ്ലൗസ് വളരെ ചെറുതായിരുന്നു. എനിക്ക് ആ വസ്ത്രം ധരിച്ച് ഡാൻസ് ചെയ്യാൻ കഴിയില്ലെന്ന് ഞാൻ അപ്പോഴേ പറഞ്ഞു. എന്നെ അമിത ലൈംഗികവൽക്കരിക്കരുത്. എനിക്ക് മനസ്സിലായി, ഇതൊരു സെക്‌സി ഗാനമാണ്, പക്ഷേ ഞങ്ങൾ അശ്ലീലത കാണിക്കേണ്ടതില്ല. ഞാൻ അവരോട് പറഞ്ഞു.' നോറ അഭിമുഖത്തിൽ വെളിപ്പെടുത്തിയത് ഇങ്ങനെ.
അടുത്ത ദിവസം പുതിയ വസ്ത്രം നൽകിയ ശേഷമാണ് നൃത്തം ചെയ്തതെന്നും, ആ വസ്ത്രത്തിനെയും പലരും വിമർശിക്കുന്നുണ്ടെങ്കിലും തനിക്ക് നേരത്തെ നൽകിയ വസ്ത്രത്തെ അപേക്ഷിച്ചു നോക്കുമ്പോൾ എത്രയോ ഭേദമാണ് ഇതെന്നും രാജീവ് മസന്ദിന് നൽകിയ അഭിമുഖത്തിൽ അവർ കൂട്ടിച്ചേർത്തു.
Content Highlights: nora fatehi about hit dilbar song dance
