Get the latest news at
your fingertips!
Download our app now
LIVE TV
Search
മോഹൻലാലിനെ നായകനാക്കി തരുൺ മൂർത്തി സംവിധാനം ചെയ്യുന്ന പുതിയ ചിത്രം എൽ 360 യുടെ ചിത്രീകരണം പൂർത്തിയായി. ചിത്രത്തിന്റെ ടൈറ്റിൽ പോസ്റ്റർ നവംബർ 1 ന് പുറത്തിറക്കാൻ തീരുമാനിച്ചിരുന്നെങ്കിലും എഡിറ്റർ നിഷാദിന്റെ മരണത്തെ തുടർന്ന് നവംബർ 8 ലേക്ക് ടൈറ്റിൽ അനൗൺസ്‌മെന്റ് മാറ്റുകയായിരുന്നു.
'99 ഡേയ്‌സ് ഓഫ് ഫാൻബോയ് മൊമന്റ്‌സ്, അപ്‌ഡേറ്റ് ഓൺ നവംബർ 8' എന്നാണ് ചിത്രീകരണം പൂർത്തിയായ ചിത്രം പങ്കുവെച്ച് തരുൺമൂർത്തി ഫേസ്ബുക്കിൽ കുറിച്ചത്. ഒക്ടോബർ 31 അർദ്ധരാത്രിയോടെയാണ് എൽ 360 യുടെ ചിത്രീകരണം പൂർത്തിയായത്. മോഹൻലാൽ നായകനാവുന്ന എമ്പുരാന്റെ ലൊക്കേഷനിൽ നിന്ന് എത്തിയാണ് എൽ 360യുടെ ചിത്രീകരണം മോഹൻലാൽ പൂർത്തിയാക്കിയത്. രണ്ട് ചിത്രങ്ങളുടെയും ചിത്രീകരണം ഒരേ സമയം നടന്നിരുന്നു.
കഴിഞ്ഞ ദിവസങ്ങളിൽ പകൽ എമ്പുരാനിൽ അഭിനയിച്ച മോഹൻലാൽ രാത്രിയിൽ തേനിയിൽ ചിത്രീകരണം നടന്നിരുന്ന എൽ 360 യുടെ ലൊക്കേഷനിൽ എത്തുകയായിരുന്നു. എൽ 360 യുടെ ചിത്രീകരണം പൂർത്തിയായതോടെ മോഹൻലാൽ വീണ്ടും എമ്പുരാനിൽ ജോയിൻ ചെയ്യും.
രജപുത്ര ഫിലിംസ് നിർമിക്കുന്ന എൽ 360യിൽ ശോഭനയാണ് നായികയാവുന്നത്. പ്രശസ്ത ഫോട്ടോഗ്രാഫർ കെ ആർ സുനിലിന്റെ കഥയ്ക്ക് സുനിലും തരുൺമൂർത്തിയും ചേർന്നാണ് തിരക്കഥ ഒരുക്കിയിരിക്കുന്നത്. നിരവധി അന്താരാഷ്ട്ര ആർട്ട് ഫെസ്റ്റിവലുകളിൽ ഫോട്ടോഗ്രാഫിക് ഷോ അവതരിപ്പിച്ച കെ ആർ സുനിൽ എഴുത്തുകാരൻ കൂടിയാണ്.
Content Highlights: Tharun Moorthy completes the shoot of Mohanlal Movie L360 updated on November 8
