Get the latest news at
your fingertips!
Download our app now
LIVE TV
Search
കന്നഡ സൂപ്പര്‍ താരം രാജ് ബി ഷെട്ടി നായകനായ പാന്‍ ഇന്ത്യന്‍ ചിത്രം '45 ' ന്റെ ഫസ്റ്റ് ലുക്ക് ടീസര്‍ അണിയറപ്രവർത്തകർ പുറത്ത് വിട്ടു. ദീപാവലിയോട് അനുബന്ധിച്ചാണ് ഫസ്റ്റ് ലുക്ക് ടീസര്‍ റിലീസ് ചെയ്തത്. ആനന്ദ് ഓഡിയോയുടെ യൂട്യൂബ് ചാനലില്‍ കന്നഡ, മലയാളം ഭാഷകളിലാണ് ടീസര്‍ റിലീസ് ചെയ്തിരിക്കുന്നത്. ഗരുഡ ഗമന വൃഷഭ വാഹന, ടോബി, സമീപകാല മലയാള ചിത്രങ്ങളായ ടര്‍ബോ, കൊണ്ടൽ എന്നിവയിലൂടെ ജനപ്രിയനായ രാജ് ബി ഷെട്ടി പുതിയ ചിത്രത്തിലൂടെയും പ്രേക്ഷകരെ ആകര്‍ഷിക്കാനൊരുങ്ങുകയാണ്.
ടീസർ നൽകുന്ന സൂചനയനുസരിച്ച് രാജ് ബി ഷെട്ടിയുടെ അടുത്ത അത്യുഗ്രൻ വില്ലൻ വേഷമായിരിക്കും ചിത്രത്തിലേത്. കന്നഡ, ഹിന്ദി, തെലുങ്ക്, തമിഴ്, മലയാളം ഭാഷകളിലാണ് '45' റിലീസിനൊരുങ്ങുന്നത്. രാജ് ബി ഷെട്ടിക്കൊപ്പം കന്നഡ താരങ്ങളായ ശിവരാജ് കുമാര്‍, ഉപേന്ദ്ര എന്നിവരും പ്രധാന വേഷങ്ങള്‍ ഉണ്ടാകും.
പ്രശസ്ത കന്നഡ സംഗീത സംവിധായകനായ അര്‍ജുന്‍ ജന്യയാണ് ചിത്രം സംവിധാനം ചെയ്തിരിക്കുന്നത്. 150-ലധികം കന്നഡ ചിത്രങ്ങളിലെ ഗാനങ്ങള്‍ക്ക് പേരുകേട്ട അര്‍ജുന്‍ ജന്യ, ഇപ്പോള്‍ ഈ മള്‍ട്ടി സ്റ്റാര്‍ ചിത്രത്തിന്റെ സംവിധാനവും ഏറ്റെടുത്തിരിക്കുകയാണ്. ദേശീയ പുരസ്‌കാരം നേടിയ സൂരജ് പ്രൊഡക്ഷന്‍സിന്റെ ബാനറില്‍ എം രമേശ് റെഡ്ഡിയാണ് നിര്‍മ്മാണം.
Content Highlights: raj b shetty 45 movie fist look teaser out now
