LIVE TV
തെന്നിന്ത്യയിൽ തന്നെ ഏറ്റവും ഹൈപ്പുള്ള സിനിമകളിൽ ഒന്നാണ് മണിരത്നവും കമൽ ഹാസനും ഒന്നിക്കുന്ന തഗ് ലൈഫ്. വലിയ താരനിര ഭാഗമാകുന്ന സിനിമയുടെ കഥാപശ്ചാത്തലവും കഥാപാത്രങ്ങളും സംബന്ധിച്ച അപ്ഡേറ്റുകൾക്കായി ഏവരും കാത്തിരിക്കുകയാണ്. ഇപ്പോൾ കമൽഹാസ്‌നറെ പിറന്നാൾ ദിനമായ നവംബർ ഏഴിന് സിനിമയുടെ വമ്പൻ അപ്ഡേറ്റ് വരുമെന്ന് അറിയിച്ചിരിക്കുകയാണ് അണിയറപ്രവർത്തകർ. കമൽഹാസന്റെ ഒരു പോസ്റ്ററിനൊപ്പമാണ് ഇക്കാര്യം നിർമ്മാതാക്കൾ അറിയിച്ചിക്കുന്നത്. സിനിമയിലെ കഥാപാത്രങ്ങളുടെ ഒരു ഗ്ലിംപ്സായിരിക്കും ഇത് എന്നാണ് സൂചന.
Get Ready to Celebrate @ikamalhaasan Sir's Birthday, a Festive Celebration awaits on 7th Nov. #KHBirthdayCelebrations
— Raaj Kamal Films International (@RKFI) November 5, 2024
Watch out for the Thugs on Nov 7th at 11 am.
#KamalHaasan #SilambarasanTR #Thuglife@ikamalhaasan #ManiRatnam @SilambarasanTR_ @arrahman #Mahendran… pic.twitter.com/eFb0S6JM3N
നീണ്ട 37 വര്‍ഷങ്ങള്‍ക്ക് ശേഷം കമൽ ഹാസനും മണിരത്നവും ഒന്നിക്കുന്ന സിനിമയാണ് തഗ് ലൈഫ്. ചിത്രം അടുത്ത വർഷം തിയേറ്ററിൽ എത്തുമെന്നാണ് റിപ്പോർട്ട്. ജോജു ജോർജ്, തൃഷ, അഭിരാമി, ഐശ്വര്യാ ലക്ഷ്മി, നാസർ, അശോക് സെല്‍വന്‍, അലി ഫസല്‍, പങ്കജ് ത്രിപാഠി, ജിഷു സെന്‍ഗുപ്ത, സാന്യ മല്‍ഹോത്ര, രോഹിത് ഷറഫ്, വൈയാപുരി തുടങ്ങിയവരാണ് സിനിമയിലെ മറ്റു കഥാപാത്രങ്ങളെ അവതരിപ്പിക്കുന്നത്.
കമല്‍ഹാസന്റെ രാജ്കമല്‍ ഫിലിംസിനൊപ്പം മണിരത്നത്തിന്‍റെ മദ്രാസ് ടാക്കീസും ഉദയനിധി സ്റ്റാലിന്‍റെ റെഡ് ജയന്‍റ് മൂവീസും ചേര്‍ന്നാണ് ചിത്രം നിര്‍മ്മിക്കുന്നത്. രംഗരായ ശക്തിവേല്‍ നായ്ക്കര്‍ എന്നാണ് ചിത്രത്തില്‍ കമല്‍ ഹാസന്‍ അവതരിപ്പിക്കുന്ന കഥാപാത്രത്തിന്‍റെ പേര്. മണിരത്‌നത്തിനൊപ്പം പതിവ് സഹപ്രവർത്തകരായ സംഗീതസംവിധായകൻ എ ആർ റഹ്‌മാനും എഡിറ്റർ ശ്രീകർ പ്രസാദും ഈ ചിത്രത്തിലും ഒരുമിക്കുന്നുണ്ട്. രവി കെ ചന്ദ്രന്‍ ആണ് തഗ് ലൈഫിന്റെ ഛായാഗ്രാഹകന്‍.
Content Highlights: Update to arrive from Thug Life on Kamal Haasan's birthday
