Get the latest news at
your fingertips!
Download our app now
LIVE TV
Search
ഒരുപാട് കൗതുകങ്ങളും ചോദ്യങ്ങളും ഒളിപ്പിച്ചുവെച്ച് സ്‌ട്രേഞ്ചര്‍ തിങ്‌സിന്റെ അവസാന ഭാഗത്തിന്റെ ടീസര്‍ ഇതാ എത്തിയിരിക്കുന്നു. അഞ്ചാം ഭാഗത്തിലെ ഓരോ എപ്പിസോഡിന്റെയും പേരുകളുമായാണ് ടീസര്‍ എത്തിയിരിക്കുന്നത്. 2025ലായിരിക്കും സീരിസ് സ്ട്രീമിങ്ങിന് എത്തുന്നത്.
ഇന്‍ ദ ഫോള്‍ ഓഫ് 1987, ആന്‍ഡ് ദ റൈറ്റ്‌സൈഡ് അപ്പ് എന്നീ എപ്പിസോഡ് ടൈറ്റിലുകള്‍ ഇതിനോടകം ഫാന്‍തിയറി ഗ്രൂപ്പുകളില്‍ ചര്‍ച്ചയായിട്ടുണ്ട്. ആദ്യ സീസണിലെ അവസാന എപ്പിസോഡിന്റെ ടൈറ്റില്‍ ദ അപ്‌സൈഡ് ഡൗണ്‍ ആയിരുന്നു. ഇതുമായി കണക്ട് ചെയ്താണ് റൈറ്റ്‌സൈഡ് അപ്പ് ചര്‍ച്ചയാകുന്നത്.
ടീസര്‍ പുറത്തുവിട്ടത് നവംബര്‍ ആറിനാണ് എന്നതും പ്രതീക്ഷ വര്‍ധിപ്പിച്ചിട്ടുണ്ട്. സീരിസില്‍ പ്രധാന കഥാപാത്രങ്ങളിലൊരാളായ വില്‍ ബയേഴ്‌സിനെ കാണാതാവുന്നതോടെയാണ് കഥ ആരംഭിക്കുന്നത്. ഇത് നവംബര്‍ ആറായിരുന്നു. സ്‌ട്രേഞ്ചര്‍ തിങ്‌സ് ദിനമായാണ് സീരിസ് പ്രേമികള്‍ക്കിടയില്‍ നവംബര്‍ ആറ് അറിയപ്പെടുന്നത്.
അതേസമയം, ഹോളിവുഡിലെ തിരക്കഥാകൃത്തുക്കളുടെയും മറ്റ് സിനിമാപ്രവര്‍ത്തകരുടെയും സമരങ്ങള്‍ സീരിസിനെയും ബാധിച്ചിരുന്നു. ആദ്യം നാലും അഞ്ചും ഭാഗങ്ങള്‍ അടുത്തടുത്തായാണ് ഷൂട്ടിന് തീരുമാനിച്ചിരുന്നതെങ്കിലും ഇത് പിന്നീട് നീണ്ടുപോവുകയായിരുന്നു. 2022ലാണ് നാലാം സീസണ്‍ എത്തിയത്. ഇപ്പോള്‍ വര്‍ഷങ്ങള്‍ പിന്നിട്ടതിനാല്‍ അഭിനേതാക്കളുടെ പ്രായത്തിലെ വ്യത്യാസം കഥാപാത്രങ്ങളിലും പ്ലോട്ടിലും വ്യത്യാസങ്ങള്‍ കൊണ്ടുവന്നിരിക്കാമെന്നാണ് കരുതപ്പെടുന്നത്.
Content Highlights : Stranger Things Season 5 teaser
