Get the latest news at
your fingertips!
Download our app now
LIVE TV
Search
ഒരു സിനിമയുടെ ഹൈപ്പ് വർധിപ്പിക്കുന്നതിൽ ഏറെ പ്രാധാന്യം പോസ്റ്ററുകൾക്കുണ്ട്. പല ബിഗ് ബഡ്ജറ്റ് സിനിമകളുടെയും പോസ്റ്ററുകൾ വലിയ രീതിയിലാണ് സ്വീകരിക്കപ്പെടുന്നത്. ഇഷ്ടതാരങ്ങളുടെ സിനിമകളുടെ പോസ്റ്ററുകൾ എല്ലാം വലിയ ആവേശത്തോടെയാണ് ആരാധകർ ആഘോഷമാക്കുന്നത്. എന്നാൽ ചിലപ്പോഴെങ്കിലും പല സിനിമകളുടെയും പോസ്റ്ററുകൾ തമ്മിലുള്ള സാമ്യതകൾ സോഷ്യൽ മീഡിയയിൽ ചർച്ചാ വിഷയമാകാറുണ്ട്. അത്തരത്തിൽ വൈറലാകുകയാണ് 'വേട്ടയ്യൻ', 'ബേബി ജോൺ', 'തഗ് ലൈഫ്' എന്നീ സിനിമകളുടെ പോസ്റ്ററുകൾ.
ചുവന്ന പശ്ചാത്തലത്തിൽ സിനിമയിലെ കഥാപാത്രങ്ങൾ എല്ലാം അണിനിരക്കുന്ന തരത്തിലാണ് ഈ മൂന്ന് പോസ്റ്ററുകളും ഒരുക്കിയിരിക്കുന്നത്. വെള്ള കളർ ഫോണ്ടിൽ സിനിമയുടെയും മറ്റു അണിയറപ്രവർത്തകരുടെയും പേരുകൾ എഴുതിയിരിക്കുന്നതും ഒരുപോലെയാണ്. ഇതിൽ കുറച്ചെങ്കിലും വ്യത്യാസമുള്ളത് തഗ് ലൈഫിന്റെ പോസ്റ്ററിനാണ്. ഈ മൂന്ന് പോസ്റ്ററുകളും ചെയ്തത് തമിഴിലെ പ്രശസ്തനായ ഡിസൈനർ ഗോപി പ്രസന്നയാണ്. എന്തായാലും ഇത് സോഷ്യൽ മീഡിയയിൽ ചർച്ചയായിട്ടുണ്ട്.
ത്യാഗരാജൻ കുമാരരാജ സംവിധാനം ചെയ്ത 'ആരണ്യ കാണ്ഡം' എന്ന സിനിമയിലൂടെയാണ് ഗോപി പ്രസന്ന സിനിമയുടെ പോസ്റ്റർ ഡിസൈനിങ് രംഗത്തേക്ക് കടന്നുവരുന്നത്. 'കത്തി', 'തെരി', 'ചെക്ക ചിവന്ത വാനം', '96' , 'മാസ്റ്റർ', 'പൊന്നിയിൻ സെൽവൻ' തുടങ്ങിയ സിനിമകളുടെ പോസ്റ്ററുകൾക്ക് പിന്നിൽ ഗോപി പ്രസന്നയാണ്.
അതേസമയം മികച്ച പ്രതികരണമാണ് ഇന്ന് പുറത്തിറങ്ങിയ തഗ് ലൈഫിന്റെ ടീസറിന് ലഭിക്കുന്നത്. ഇന്ത്യന്‍ 2വും താത്ത കഥാപാത്രവും ഉണ്ടാക്കിയ ക്ഷീണത്തെ കുടഞ്ഞെറിഞ്ഞു കൊണ്ടായിരിക്കും കമല്‍ ഹാസന്റെ തഗ് ലൈഫ് എത്തുക എന്നാണ് ടീസര്‍ നല്‍കുന്ന സൂചന. രണ്ട് വ്യത്യസ്ത ലുക്കുകളിലും കമല്‍ ഹാസനെ ചിത്രം അവതരിപ്പിക്കുന്നുണ്ട്.
Gopi prasanna has a Psd file of this red shade background
— Kris (@krisstr1122) November 6, 2024
He just changes Title & characters for every movie posters #Vettaiyan #BabyJohn #ThugLife 😂😂 pic.twitter.com/2TSjnG93se
ചിമ്പുവും ഒപ്പത്തിനൊപ്പം ടീസറിലുണ്ട്. ആക്ഷനും ഡാന്‍സും വരുന്ന സീനുകളിലാണ് താരത്തെ അവതരിപ്പിച്ചിരിക്കുന്നത്. ഇരുവരും തന്നെയായാരിക്കും ചിത്രത്തില്‍ വലിയ പ്രാധാന്യത്തോടെ എത്തുക എന്നാണ് ഈ ടീസറില്‍ നിന്നും വ്യക്തമാകുന്നത്. 2025 ജൂണ്‍ 5നാണ് ചിത്രം തിയേറ്ററുകളിലെത്തുക.
Content Highlight : Thug Life, Vettaiyan, Baby John posters looks similar says social media
