Get the latest news at
your fingertips!
Download our app now
LIVE TV
Search
ബോളിവുഡിൽ ആരാധകർ ഏറെയുള്ള നടിയാണ് വിദ്യ ബാലൻ. നിരവധി നായകർക്കൊപ്പം സ്ക്രീൻ പങ്കിട്ടിട്ടുണ്ടെങ്കിലും ഷാരൂഖ് ഖാനൊപ്പം ഇതുവരെ ഒരു മുഴുനീള കഥാപാത്രം വിദ്യ ബാലൻ ചെയ്തിട്ടില്ല. ഇപ്പോഴിതാ, ഷാരൂഖുമായി ചേര്‍ന്ന് ഒരു ചിത്രം ചെയ്യാന്‍ സാധ്യതയുണ്ടോയെന്ന ചോദ്യത്തിന് പ്രതികരിച്ചിരിക്കുകയാണ് വിദ്യ ബാലൻ. നടിയുടെ ഏറ്റവും പുതിയ ചിത്രമായ ഭൂല്‍ ഭുലയ്യ-3 യുടെ പ്രമോഷന്‍റെ ഭാഗമായി ടൈംസ് നൗവിന് നല്‍കിയ അഭിമുഖത്തിലാണ് വിദ്യയുടെ പ്രതികരണം.
അത്തരത്തിലൊന്ന് സംഭവിക്കണമെന്നായിരുന്നു വിദ്യയുടെ മറുപടി. എന്നാല്‍, ഇതുവരെ ഓഫറുകളൊന്നുമില്ല. എന്നെങ്കിലുമുണ്ടാവുമെന്ന് പ്രതീക്ഷിക്കാമെന്നും വിദ്യ കൂട്ടിച്ചേര്‍ത്തു. ഷാരൂഖിനൊപ്പം ഒരു പ്രണയചിത്രം ചെയ്യാൻ ആഗ്രഹമുണ്ടെന്ന് നേരത്തെ വിദ്യ പറഞ്ഞിരുന്നു. വിദ്യ ബാലന്റെ ഹേയ് ബേബിയില്‍ ഷാരൂഖ് ഖാന്‍ പ്രത്യക്ഷപ്പെട്ടിരുന്നു. കിസ്മത് കണക്ഷനില്‍ നരേറ്ററായും ഷാരൂഖ് എത്തി. ഷാരൂഖിന്റെ ഓം ശാന്തി ഓം എന്ന ചിത്രത്തിലെ പാട്ടില്‍ വിദ്യ ചെറിയ സമയത്തേക്ക് എത്തിയിരുന്നു.
അതേസമയം, അനീസ് ബസ്‍മി സംവിധാനം ചെയ്ത ചിത്രം ഭൂല്‍ ഭുലയ്യ 3 തിയേറ്ററുകളിൽ പ്രദർശനം തുടരുകയാണ്. ഭൂല്‍ ഭുലയ്യ ഫ്രാഞ്ചൈസിയിലേക്കുള്ള നടി വിദ്യ ബാലന്റെ തിരിച്ചുവരവ് കൂടിയാണ് സിനിമ. മഞ്ജുളിക എന്ന കഥാപാത്രമായാണ് വിദ്യ ബാലൻ സിനിമയിലെത്തിയത്. 2007 ൽ പുറത്തിറങ്ങിയ ഭൂല്‍ ഭുലയ്യ ആദ്യഭാഗത്തിലും നടിയുടെ കഥാപാത്രത്തിന്റെ പേര് മഞ്ജുളിക എന്നായിരുന്നു. മണിച്ചിത്രത്താഴിന്‍റെ ഹിന്ദി പതിപ്പായിരുന്നു ഭൂല്‍ ഭുലയ്യയുടെ ആദ്യ ഭാഗം. പിന്നീട് രണ്ടാം ഭാഗവും ഇറങ്ങി. ഇപ്പോള്‍ ഇറങ്ങിയ മൂന്നാം ഭാഗം ഇതിനകം ആഗോളതലത്തിൽ 150 കോടിയിലധികം രൂപ നേടി കഴിഞ്ഞു. സിനിമ അടുത്ത ദിവസങ്ങളിൽ തന്നെ 200 കോടി ക്ലബിൽ ഇടം നേടുമെന്നാണ് അനലിസ്റ്റുകളുടെ നിഗമനം.
Content Highlights: Vidya Balan opens up about why she doesn't act in full-length films with Shah Rukh Khan
