Get the latest news at
your fingertips!
Download our app now
LIVE TV
Search
അല്ലു അര്‍ജുനും ഭാര്യയ്ക്കുമെതിരേ അധിക്ഷേപ വീഡിയോ നിര്‍മിച്ചെന്ന് ആരോപിച്ച് യുട്യൂബ് ചാനലിനെതിരേ രംഗത്തെത്തി ആരാധകർ. ഹൈദരാബാദിലെ റെഡ് ടിവിയെന്ന യുട്യൂബ് ചാനലിനെതിരെയാണ് ആരാധകർ പ്രതിഷേധം ഉയർത്തിയത്. അല്ലുവിനെതിരെയും കുടുംബത്തിനെതിരെയും യുട്യൂബ് ചാനൽ ഉടമ കഴിഞ്ഞ കുറച്ച് മാസങ്ങളായി മോശം വീഡിയോകൾ പങ്കുവെക്കുന്നുണ്ട് എന്നാണ് ആരാധകരുടെ ആരോപണം.
അല്ലുവിനെതിരെയുള്ള മോശം വീഡിയോകൾ പിൻവലിക്കണമെന്ന് ആവശ്യപ്പെട്ട ആരാധകർ യുട്യൂബ് ചാനൽ ഉടമയെക്കൊണ്ട് മാപ്പ് പറയിപ്പിക്കുകയും ചെയ്തു. ഇതിന്റെ ദൃശ്യങ്ങളും ആരാധകർ സമൂഹ മാധ്യമങ്ങളിലൂടെ പങ്കുവെച്ചിട്ടുണ്ട്. സോഷ്യൽ മീഡിയയെ സുരക്ഷിതമായി ഉപയോഗിക്കണമെന്നും ഇത്തരം അധിക്ഷേപങ്ങൾക്കെതിരെ ശക്തമായി പ്രതികരിക്കുമെന്നും ആരാധകർ മുന്നറിയിപ്പ് നൽകുന്നുമുണ്ട്.
We have been following RED TV closely for the past few months and monitoring the way they are running a negative campaign against @alluarjun garu.
— All India Allu Arjun Fans & Welfare Association (@AIAFAOnline) November 11, 2024
Recently, they crossed all boundaries by involving his wife Sneha Reddy garu, and his children, and even posting thumbnails… pic.twitter.com/gB37dVfCxS
അതേസമയം അല്ലു അർജുന്റെ പുതിയ ചിത്രം പുഷ്പ 2 അടുത്ത മാസം റിലീസിന് ഒരുങ്ങുകയാണ്. സുകുമാർ സംവിധാനം ചെയ്യുന്ന ചിത്രം അടുത്ത മാസം അഞ്ചിന് തിയേറ്ററുകളിൽ എത്തും. പുഷ്പയുടെ തിയേറ്റർ അവകാശം വിറ്റഴിച്ചത് 600 കോടി രൂപയ്ക്കാണെന്നും ഓവർസീസിലൂടെ മാത്രം 125 കോടി രൂപ സ്വന്തമാക്കിയെന്നും ഇ ടൈംസ് മുൻപ് റിപ്പോർട്ട് ചെയ്തിരുന്നു. റിലീസിന് മുന്നേ തന്നെ ചിത്രം പ്രീ സെയിലിൽ 1,085 കോടി രൂപയുടെ നേട്ടമുണ്ടാക്കിയതായാണ് റിപ്പോർട്ടുകൾ.
അല്ലു അർജുനും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തിൽ ഫഹദ് ഫാസിൽ, സുനിൽ, അനസൂയ ഭരദ്വാജ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മൈത്രി മൂവി മേക്കേഴ്സാണ് ചിത്രം നിർമിക്കുന്നത്.
Content Highlights: Allu Arjun fans attack YouTube channel office over negative videos
