Get the latest news at
your fingertips!
Download our app now
LIVE TV
Search
സമീപകാലത്തെ ബോക്സ്ഓഫീസ് തിരിച്ചടികളിൽ നിന്ന് ബോളിവുഡിന് ആശ്വാസമായിരിക്കുകയാണ് ദീപാവലി റിലീസായെത്തിയ ഭൂൽ ഭുലയ്യ 3. ഈ മാസം ഒന്നിന് റിലീസ് ചെയ്ത ഹൊറർ കോമഡി ചിത്രം ഇതിനകം 300 കോടി ക്ലബിൽ ഇടം നേടിയിരിക്കുകയാണ്. 10 ദിവസം കൊണ്ടാണ് സിനിമ ഈ നേട്ടം കൈവരിച്ചിരിക്കുന്നത്. ആഭ്യന്തര ബോക്സ്ഓഫീസിൽ നിന്ന് സിനിമ 199.50 കോടി നേടി കഴിഞ്ഞു. കഴിഞ്ഞ ഞായറാഴ്ച മാത്രം ചിത്രം ഇന്ത്യൻ ബോക്സ്ഓഫീസിൽ നിന്ന് 16.50 കോടിയാണ് കളക്ട് ചെയ്തത്.
കഴിഞ്ഞ ദിവസം ചിത്രത്തിലെ പ്രധാന കഥാപാത്രങ്ങളിലൊരാളെ അവതരിപ്പിച്ച നടി വിദ്യ ബാലൻ സിനിമയുടെ വിജയത്തിൽ സന്തോഷം പങ്കുവെച്ചിരുന്നു. ചിത്രം തന്റെ കരിയറിലെ തന്നെ ഏറ്റവും വലിയ വിജയമാണ് എന്നാണ് വിദ്യ പറഞ്ഞത്. സിനിമ തിയേറ്ററുകളിൽ ഇത്രയും മികച്ച രീതിയിൽ പെർഫോം ചെയ്യുമെന്ന് പ്രതീക്ഷിച്ചിരുന്നില്ല എന്നും നടി ഇന്ത്യൻ എക്സ്പ്രസിന് നൽകിയ അഭിമുഖത്തിൽ അഭിപ്രായപ്പെട്ടിരുന്നു.
അനീസ് ബസ്‍മി സംവിധാനം ചെയ്ത ചിത്രത്തിൽ കാർത്തിക് ആര്യനാണ് കേന്ദ്ര കഥാപാത്രത്തെ അവതരിപ്പിക്കുന്നത്. കാർത്തിക്കിനും വിദ്യ ബാലനും പുറമെ മാധുരി ദീക്ഷിത്ത്, തൃപ്തി ഡിമ്രി, സഞ്ജയ് മിശ്ര, രാജ്പാൽ യാദവ്, അശ്വിനി കൽസേക്കർ, വിജയ് റാസ്, മനീഷ് വാധ്വ, രാജേഷ് ശർമ്മ എന്നിവരാണ് ചിത്രത്തിലെ മറ്റ് കഥാപാത്രങ്ങളെ അവതരിപ്പിക്കുന്നത്.
ഭൂൽ ഭുലയ്യ ഫ്രാഞ്ചൈസിയിലെ മൂന്നാം ചിത്രം കൂടിയാണ് ഇത്. 2007ലായിരുന്നു 'ഭൂൽ ഭുലയ്യ' ആദ്യഭാഗം റിലീസ് ചെയ്തത്. മലയാളത്തിൽ സൂപ്പർഹിറ്റായ മണിച്ചിത്രത്താഴിന്റെ റീമേക്കായ സിനിമ പ്രിയദർശനായിരുന്നു സംവിധാനം ചെയ്തത്. ഭൂൽ ഭുലയ്യ വലിയ വിജയമാകുകയും പിൽക്കാലത്ത് ഒരു കൾട്ട് ചിത്രമായി മാറുകയും ചെയ്തിരുന്നു. പിന്നീട് ചിത്രത്തിന് രണ്ടാം ഭാഗം അണിയറപ്രവർത്തകർ ഒരുക്കിയിരുന്നു. 2022ലായിരുന്നു ഇത് എത്തിയത്. ഇതിലും നായകന്‍ കാര്‍ത്തിക് ആര്യനായിരുന്നു.
Content Highlights: Bhool Bhulaiyaa 3 crosses 300 crores worldwide
