Get the latest news at
your fingertips!
Download our app now
LIVE TV
Search
സൂര്യ ചിത്രം കങ്കുവയെ പ്രശംസിച്ച് സംവിധായകൻ കാർത്തിക് സുബ്ബരാജ്. ഗംഭീരമായ ദൃശ്യങ്ങളും സംഘട്ടന രംഗങ്ങളുമെല്ലാമായി മികച്ച തിയേറ്റർ എക്സ്പീരിയൻസാണ് സിനിമ നൽകിയതെന്നും അദ്ദേഹം പറഞ്ഞു. ചിത്രത്തിലെ സൂര്യയുടെ പ്രകടനത്തെയും കാർത്തിക് സുബ്ബരാജ് സമൂഹ മാധ്യമങ്ങളിലൂടെ പ്രകീർത്തിച്ചു.
ഞെട്ടിക്കുന്ന വിഷ്വൽസ്… സൂപ്പർ സ്റ്റണ്ട്സ്, ശിവ സാറിൻ്റെ അതുല്യമായ ട്രൈബൽ വേൾഡ് ബിൽഡിംഗ്, സാങ്കേതികപരമായും വിഎഫ്എക്‌സിലുമുള്ള മികവ്, അതിനൊപ്പം സൂര്യ സാറിന്റെ ഉജ്ജ്വലമായ പ്രകടനം, ഇതെല്ലാം ചേർന്നപ്പോൾ കങ്കുവ ആവേശകരമായ തിയേറ്റർ എക്സ്പീരിയൻസ് ആയി മാറി. സാങ്കേതിക നിലവാരം ഉയർത്താൻ പരമാവധി പരിശ്രമിച്ചതിന് മുഴുവൻ ടീമിനും അഭിനന്ദനങ്ങൾ,' എന്ന് കാർത്തിക് സുബ്ബരാജ് എക്സ് പ്ലാറ്റ്ഫോമിൽ കുറിച്ചു. നിലവിൽ സൂര്യ നായകനാകുന്ന പുതിയ സിനിമയുടെ പണിപ്പുരയിലാണ് കാർത്തിക് സുബ്ബരാജ്.
Stunning Visuals... Superb Stunts... @directorsiva sir's unique Tribal World Building , Technical & VFX Brilliance with @Suriya_offl Sir's awesome Fiery Performamce 🔥🔥 makes #Kanguva an Exciting Theatrical experience with lot of High moments.... 👏👏 Kudos to whole team for… pic.twitter.com/bPVGIR7FC8
— karthik subbaraj (@karthiksubbaraj) November 14, 2024
നേരത്തെ സിനിമയ്ക്ക് ലഭിക്കുന്ന പ്രതികരണങ്ങളിൽ സംവിധായകാൻ സിരുത്തൈ ശിവ സന്തോഷം പങ്കുവെച്ചെത്തിയിരുന്നു. 'അവസാനം കങ്കുവ തിയറ്ററുകളില്‍ എത്തിയിരിക്കുന്നു. ഒത്തിരി സന്തോഷത്തിലാണുള്ളത്. അമേരിക്കയില്‍ നിന്നും സിനിമ കണ്ടിറങ്ങിയ സ്‌നേഹിതര്‍ ഇപ്പോള്‍ വിളിച്ചിരുന്നു. അതിഗംഭീര വിജയമാകും സിനിമ എന്നാണ് അവര്‍ പറയുന്നത്. ഇപ്പോഴാണ് പൂര്‍ണ തൃപ്തിയായത്. വളരെ സന്തോഷത്തിലും ആകാംക്ഷയിലുമാണ് ഞാനുള്ളത്', എന്നാണ് ശിവ പറഞ്ഞത്. ചെന്നൈയില്‍ ചിത്രത്തിന്റെ ആദ്യ ഷോ കാണാന്‍ തിയേറ്ററില്‍ എത്തിയപ്പോഴായിരുന്നു അദ്ദേഹത്തിന്റെ പ്രതികരണം.
കേരളത്തിൽ സിനിമയ്ക്ക് സമ്മിശ്ര പ്രതികരണമാണ് ലഭിക്കുന്നത്. രണ്ട് വർഷത്തെ കാത്തിരിപ്പിനു ശേഷം വന്ന സിനിമ പ്രതീക്ഷയ്ക്കൊത്ത് ഉയര്‍ന്നില്ലെന്ന അഭിപ്രായങ്ങളുണ്ട്. അതേസമയം, സൂര്യയുടെ പെർഫോമൻസിനെപ്പറ്റി ആരാധകർക്കിടയിൽ നല്ല അഭിപ്രായമാണ് ലഭിക്കുന്നത്.
സ്റ്റുഡിയോ ഗ്രീനിന്‍റെ ബാനറിൽ കെ ഇ ജ്ഞാനവേൽ രാജ, യു വി ക്രിയേഷൻസിന്റെ ബാനറിൽ വംശി പ്രമോദ് എന്നിവർ ചേർന്നാണ് ചിത്രം നിർമ്മിച്ചിരിക്കുന്നത്. കങ്കുവ, ഫ്രാൻസിസ് എന്നിങ്ങനെ ഇരട്ടവേഷങ്ങളിൽ സൂര്യ എത്തുന്ന ചിത്രത്തിൽ ബോളിവുഡ് നടി ദിഷ പഠാണിയാണ് നായികാ വേഷം ചെയ്യുന്നത്. ജഗപതി ബാബു, കോവൈ സരള, യോഗി ബാബു, ആനന്ദരാജ്, ജി മാരിമുത്തു, ബാല ശരവണൻ തുടങ്ങിയവരും സിനിമയിൽ ഭാഗമാകുന്നുണ്ട്. ബോളിവുഡ് നടൻ ബോബി ഡിയോളാണ് ചിത്രത്തിലെ പ്രധാന വില്ലൻ കഥാപാത്രത്തെ അവതരിപ്പിക്കുന്നത്.
Content Highlights: Karthik Subbaraj praises Kanguva movie
