Get the latest news at
your fingertips!
Download our app now
LIVE TV
Search
'മന്ദാകിനി' എന്ന ഹിറ്റ് സിനിമക്ക് ശേഷം സ്പൈർ പ്രൊഡക്ഷൻസ് നിർമിക്കുന്ന ഏറ്റവും പുതിയ ചിത്രമായ 'മേനേ പ്യാർ കിയാ'യുടെ ഫസ്റ്റ് ലുക്ക് പോസ്റ്റർ പുറത്തിറങ്ങി. കാനിൽ ഇന്ത്യൻ സിനിമയുടെ യശസ്സുയർത്തിയ 'ഓൾ വീ ഇമാജിൻ ആസ് ലൈറ്റ്', മുസ്തഫ സംവിധാനം ചെയ്ത 'മുറ' എന്നീ സിനിമകൾക്ക് ശേഷം ഹൃദു ഹാറൂൺ നായകനായി എത്തുന്ന സിനിമ കൂടിയാണിത്. ചിത്രം സംവിധാനം ചെയ്യുന്നത് നവാഗതനായ ഫൈസൽ ഫസിലുദീനാണ്. ഒരു റൊമാന്റിക് കോമഡി ത്രില്ലറായി എത്തുന്ന ചിത്രത്തിൽ മലയാളത്തിലെ പ്രമുഖ താരങ്ങൾക്ക് പുറമെ തമിഴിൽ നിന്നും അഭിനേതാക്കള്‍ അണിനിരക്കുന്നുണ്ട്. ചിത്രത്തിന്റെ തിരക്കഥ രചിച്ചിരിക്കുന്നത് സംവിധായകനായ ഫൈസൽ ഫസിലുദീനും, ബിൽകെഫ്സലും ചേർന്നാണ്.
നിരവധി സോഷ്യൽ മീഡിയ താരങ്ങളും സിനിമയിൽ അണിനിരക്കുന്നുണ്ട്. അർജ്യൂ, ശ്രീകാന്ത് വെട്ടിയാർ, ആവേശത്തിലൂടെ പ്രേക്ഷക ശ്രദ്ധ നേടിയ മിധൂട്ടി, തൃക്കണ്ണൻ, മൈം ഗോപി, ബോക്സർ ദീന, ജഗദീഷ് ജനാർദ്ദൻ, ജിവിൻ റെക്‌സാ, ബിബിൻ പെരുമ്പിള്ളി, അസ്‌കർ അലി എന്നിവർക്കൊപ്പം ബീസ്റ്റ്‌, ജയിലർ, ഡോക്ടർ തുടങ്ങിയ സിനിമകളിലൂടെ പ്രശസ്തനായ റെഡിൻ കിംഗ്സ്ലിയും സംവിധായകന്‍ ജിയോ ബേബിയും സിനിമയിൽ ഒരു പ്രധാന വേഷത്തിൽ എത്തുന്നുണ്ട്. 'ആസ കൂടാ' എന്ന ഗാനത്തിലൂടെ ശ്രദ്ധ നേടിയ പ്രീതി മുകുന്ദൻ ആണ് സിനിമയിൽ നായികയായി എത്തുന്നത്. പ്രീതിയുടെ ആദ്യ മലയാള സിനിമയാണിത്.
ഡോൺ പോൾ പി ഛായാഗ്രഹണം നിർവഹിക്കുന്ന ഈ ചിത്രത്തിന് സംഗീതമൊരുക്കുന്നത് അജ്മൽ ഹസ്ബുള്ളയും എഡിറ്റിംഗ് നിർവഹിക്കുന്നത് കണ്ണൻ മോഹനുമാണ്. കലൈ കിങ്സണ്‍ സംഘട്ടന സംവിധാനവും സുനിൽ കുമാരൻ കലാസംവിധാനവും നിർവഹിക്കുന്ന ഈ ചിത്രത്തിന്റെ പ്രൊഡക്ഷൻ കൺട്രോളർ ശിഹാബ് വെണ്ണലയാണ്. ചീഫ് അസ്സോസിയേറ്റ് ഡയറക്ടർ രാജേഷ് അടൂർ, കോസ്ട്യും അരുൺ മനോഹർ, മേക്കപ്പ് ജിത്തു പയ്യന്നൂർ, സൗണ്ട് ഡിസൈൻ രംഗനാഥ് രവി, പ്രൊജക്റ്റ് ഡിസൈനർ സൗമ്യത വർമ്മ, ഡി ഐ ബിലാൽ റഷീദ്, ഡിസ്ട്രിബൂഷൻ ഹെഡ് പ്രദീപ് മേനോൻ, സ്റ്റിൽസ് ഷൈൻ ചെട്ടികുളങ്ങര, ഡിസൈൻ യെല്ലോ ടൂത്സ്, വിതരണം സ്പൈർ പ്രൊഡക്ഷൻസ്, പിആർഒ എ എസ് ദിനേശ്.
Content Highlights: Maine Pyar Kiya First look poster out now
