Get the latest news at
your fingertips!
Download our app now
LIVE TV
Search
ആരാധകർ തന്നോട് കാണിക്കുന്ന സ്നേഹത്തിന് നന്ദി പറയാൻ മടിയില്ലാത്ത നടനാണ് അല്ലു അർജുൻ. ഇപ്പോഴിതാ രണ്ടു കൈകളും ഒരു കാലിന് സ്വാധീനവും നഷ്ടപ്പെട്ട ആരാധകൻ വരച്ച ചിത്രത്തിന് നന്ദി അറിയിച്ചിരിക്കുകയാണ് നടൻ. ധീരജ് സാത്വികർ എന്ന ആരാധകനാണ് പുഷ്പയിലെ അല്ലുവിനെ വരച്ചിരിക്കുന്നത്.
'അല്ലു സാർ നിങ്ങൾ ദയവായി എന്റെ ഈ കലയെ കാണൂ' എന്ന ക്യാപ്ഷനോടെയാണ് ധീരജ് കാലുകൊണ്ട് അല്ലു അർജുന്‍റെ ചിത്രം വരയ്ക്കുന്ന വീഡിയോ പങ്കുവെച്ചത്. വെെറലായ വീഡിയോക്ക് താഴെ ചിത്രം ഹൃദയത്തിൽ സ്പർശിച്ചുവെന്നും നന്ദിയുണ്ടെന്നും അല്ലു അര്‍ജുന്‍ കുറിച്ചു.
Allu Arjun sir please watch My art 🫶❤️🫶
— Artist Dhiraj Sathvilkar (@dhirajartist3) November 27, 2024
maine aapka portrait banaya hai..please sir मुझे aapse milna hai
Artist -Dhiraj Sathvilkar @alluarjun @PushpaMovie@TrendsAlluArjun @AlluArjun_Army pic.twitter.com/25dy8nxVtB
അതേസമയം, പുഷ്പ 2വിന്റെ പ്രമോഷന്‍ തിരക്കുകളിലാണ് അല്ലു അര്‍ജുന്‍ ഇപ്പോൾ. കഴിഞ്ഞ ദിവസം കേരളത്തിൽ നടന്ന പ്രമോഷൻ ചടങ്ങിൽ അതിഗംഭീര സ്വീകരണമാണ് നടന് അണിയറ പ്രവര്‍ത്തരും ആരാധകരും ഒരുക്കിയത്. പരിപാടിയില്‍ വെച്ച് മലയാളികള്‍ തന്നോട് കാണിക്കുന്ന സ്നേഹത്തിന് നന്ദി പറഞ്ഞ അല്ലു അര്‍ജുന്‍ പുഷ്പയില്‍ അതേ മലയാളികള്‍ക്കായി ഒരുക്കിവെച്ചിരിക്കുന്ന ഒരു സര്‍പ്രൈസിനെ കുറിച്ചും തുറന്നുപറഞ്ഞു.
വിവിധ ഭാഷകളിലായി ഇറങ്ങുന്ന പുഷ്പ: ദി റൂളിലെ ഒരു പാട്ടിന്റെ ആദ്യ വരികള്‍ എല്ലാ ഭാഷകളിലും മലയാളത്തിലായിരിക്കുമെന്നാണ് അല്ലു അര്‍ജുന്‍ അറിയിച്ചിരിക്കുന്നത്. ഇത് കേരളത്തിലുള്ള സിനിമാപ്രേമികളോടുള്ള തന്റെ അകമഴിഞ്ഞ സ്‌നേഹവും നന്ദിയും പ്രകടിപ്പിക്കുന്നതിനായി ഒരുക്കിയതാണെന്നും അല്ലു അര്‍ജുന്‍ പറഞ്ഞു.
അല്ലു അര്‍ജുനും രശ്മിക മന്ദാനയും കേന്ദ്ര കഥാപാത്രങ്ങളെ അവതരിപ്പിക്കുന്ന ചിത്രത്തില്‍ ഫഹദ് ഫാസില്‍, സുനില്‍, അനസൂയ ഭരദ്വാജ് തുടങ്ങിയവരാണ് മറ്റു പ്രധാന കഥാപാത്രങ്ങളെ അവതരിപ്പിക്കുന്നത്. മൈത്രി മൂവി മേക്കേഴ്‌സാണ് ചിത്രം നിര്‍മിക്കുന്നത്. ഇന്ത്യയെമ്പാടും തരംഗമായി മാറിയ 'പുഷ്പ ദ റൈസ്' എന്ന ആദ്യ ഭാഗം രണ്ട് ദേശീയ ചലച്ചിത്ര പുരസ്‌കാരങ്ങളും 7 സംസ്ഥാന ചലച്ചിത്ര പുരസ്‌കാരങ്ങളും നേടിയിരുന്നു. പുഷ്പ ദ റൂളും തിയേറ്ററുകളെ ഇളക്കിമറിക്കുമെന്നാണ് അണിയറപ്രവര്‍ത്തകരുടെ പ്രതീക്ഷ.
Content Highlights: Allu Arjun appreciates the art of the armless fan
