Get the latest news at
your fingertips!
Download our app now
LIVE TV
Search
സംവിധായകൻ പ്രിയദർശന് പിറന്നാൾ ആശംസകൾ നേർന്ന് നടൻ അക്ഷയ് കുമാർ. ഇരുവരും ഒന്നിക്കുന്ന ഭൂത് ബംഗ്ലാ എന്ന സിനിമയുടെ സെറ്റിൽ നിന്നുള്ള ചിത്രം പങ്കുവെച്ചുകൊണ്ടാണ് അക്ഷയ് കുമാർ ആശംസകൾ നേർന്നത്. കോലാഹലങ്ങളെ ഒരു മാസ്റ്റർപീസ് ആയി അവതരിപ്പിക്കാൻ കഴിയുന്ന ഒരേയൊരാൾ പ്രിയദർശൻ ആണെന്നാണ് അക്ഷയ് കുമാർ കുറിച്ചിരിക്കുന്നത്. പിറന്നാൾ ആഘോഷിക്കാൻ പ്രേതബാധയുള്ള സെറ്റിനെക്കാൾ നല്ല സ്ഥലം വേറെയുണ്ടോ എന്നും തമാശരൂപേണ അക്ഷയ് കുമാർ കുറിച്ചിട്ടുണ്ട്.
ബോളിവുഡിൽ ഏറെ ആരാധകരുള്ള കോംബോയാണ് അക്ഷയ് കുമാർ - പ്രിയദർശൻ. നിരവധി സൂപ്പർഹിറ്റ് കോമഡി സിനിമകൾക്കായി ഇരുവരും ഒന്നിച്ചിട്ടുണ്ട്. അതിൽ പലതും ബോളിവുഡിലെ കൾട്ട് ക്ലാസ്സിക് സിനിമകളാണ്. മലയാളത്തിൽ മോഹൻലാലിനെ നായകനാക്കി പ്രിയദർശൻ ഒരുക്കിയ ഹിറ്റ് സിനിമകളായിരുന്നു അക്ഷയ് കുമാറിനെ വെച്ച് ഹിന്ദിയിലേക്ക് റീമേക്ക് ചെയ്തത്.
ഈ കോംബോ 14 വർഷത്തിന് ശേഷം ഒന്നിക്കുന്ന ചിത്രം കൂടിയാണ് ഭൂത് ബംഗ്ലാ. അക്ഷയ് കുമാര്‍, ശോഭ കപൂര്‍, ഏക്ത കപൂര്‍ എന്നിവര്‍ ചേര്‍ന്നാണ് ചിത്രം നിര്‍മ്മിക്കുന്നത്. കോമഡി ഹൊറർ ഴോണറിലാണ് ഭൂത് ബംഗ്ലാ ഒരുങ്ങുന്നത്. ആകാശ് കൗശിക്കിന്റേതാണ് കഥ. രോഹൻ ശങ്കർ, അഭിലാഷ് നായർ, പ്രിയദർശൻ എന്നിവർ ചേർന്നാണ് തിരക്കഥ ഒരുക്കിയിരിക്കുന്നത്. രോഹൻ ശങ്കർ ആണ് സംഭാഷണം. ഹൈദരാബാദ്, കേരളം, ശ്രീലങ്ക, ഗുജറാത്ത് തുടങ്ങിയ സ്ഥലങ്ങളിലാകും സിനിമയുടെ ചിത്രീകരണം നടക്കുക എന്നാണ് സൂചന. ചിത്രം 2026 ഏപ്രിൽ 2ന് പ്രദർശനത്തിനെത്തും.
Happy Birthday, Priyan Sir! What better way to celebrate than by spending the day on a haunted set, surrounded by ghosts…both real and unpaid extras? Thank you for being a mentor, and the only person who can make chaos look like a masterpiece. May your day be filled with fewer… pic.twitter.com/OCQrFtOdtZ
— Akshay Kumar (@akshaykumar) January 30, 2025
ഏറെ കാലത്തിന് വേഷം വീണ്ടും അക്ഷയ് കുമാറുമായി പ്രിയദർശൻ ഒന്നിക്കുമ്പോൾ ഒരു വമ്പൻ ഹിറ്റ് തന്നെയാണ് താരത്തിന്റെ ആരാധകരും ബോളിവുഡ് സിനിമാപ്രേമികളും പ്രതീക്ഷിക്കുന്നത്. അതേസമയം സ്കൈ ഫോഴ്സ് എന്ന ആക്ഷൻ സിനിമയാണ് അവസാനമായി തിയേറ്ററിലെത്തിയ അക്ഷയ് കുമാർ സിനിമ. മികച്ച പ്രതികരണം നേടിയ സിനിമയ്ക്ക് ബോക്സ് ഓഫീസിലും കാര്യമായ നേട്ടമുണ്ടാകാനാകുന്നുണ്ട്. ചിത്രമിപ്പോൾ 100 കോടിയിലേക്ക് കുതിക്കുകയാണ്. ചിത്രത്തിലെ അക്ഷയ് കുമാറിന്റെ പ്രകടനത്തിനും വിഎഫ്എക്സിനും മികച്ച പ്രതികരണങ്ങളാണ് ലഭിക്കുന്നത്. അക്ഷയ് കുമാറിന്റെ ഒരു ഗംഭീര കംബാക്ക് ആണ് സിനിമയെന്നാണ് പ്രേക്ഷകർ പറയുന്നത്.
Content Highlights: Akshay kumar wishes Priyadarshan a very happy birthday
