Get the latest news at
your fingertips!
Download our app now
LIVE TV
Search
വിക്കി കൗശലിനെ നായകനാക്കി ലക്ഷ്മൺ ഉത്തേക്കർ സംവിധാനം ചെയ്ത ഹിസ്റ്റോറിക്കൽ ആക്ഷൻ ചിത്രമാണ് 'ഛാവ'. ഛത്രപതി ശിവാജിയുടെ മകനും മറാത്താ രാജാവുമായിരുന്ന സാംബാജിയുടെ ജീവിതത്തെ ആസ്പദമാക്കിയെടുത്ത ചിത്രം വലിയ ബഡ്ജറ്റിൽ ആണ് ഒരുങ്ങിയത്. ഗംഭീര പ്രതികരണമാണ് സിനിമയ്ക്ക് ബോക്സ് ഓഫീസിൽ നിന്നും പ്രേക്ഷകരിൽ നിന്നും ലഭിക്കുന്നത്. ആഗോളതലത്തിൽ 500 കോടി ക്ലബിൽ ഇടം പിടിച്ചിരിക്കുകയാണ് ചിത്രമിപ്പോൾ. ഇതോടെ മറ്റൊരു റെക്കോർഡിനും ചിത്രം തുടക്കമിട്ടിരിക്കുകയാണ്.
ഛാവയുടെ ഈ നേട്ടത്തോടെ തുടർച്ചായി രണ്ട് 500 കോടി സിനിമകൾ നേടിയ ഏക നിർമാണ കമ്പനിയായി മഡോക്ക് ഫിലിംസ് മാറി. സ്ത്രീ 2 ആണ് ഇതിന് മുൻപ് 500 കോടി കടന്ന മറ്റൊരു മഡോക്ക് ചിത്രം. ബോളിവുഡിലെ പല മുൻനിര നിർമാണ കമ്പനികളെയും പിന്തള്ളിയാണ് മഡോക്ക് ഫിലിംസ് ഈ നേട്ടം കൈവരിച്ചത്. സ്ത്രീ 2, മിമി, ലുക്കാ ചുപ്പി തുടങ്ങിയ സൂപ്പർഹിറ്റ് ബോളിവുഡ് സിനിമകൾ നിർമിച്ചവരാണ് മഡോക്ക് ഫിലിംസ്. മികച്ച അഭിപ്രായം ലഭിച്ച സിനിമ വളരെ പെട്ടെന്നാണ് 500 കോടി നേടിയെടുത്തത്. മഹാരാഷ്ട്രയിൽ നിന്ന് മാത്രം ചിത്രം വലിയൊരു കളക്ഷൻ സ്വന്തമാക്കി എന്നാണ് റിപ്പോർട്ടുകൾ പറയുന്നത്. തുടർച്ചയായുള്ള വിജയങ്ങൾ സ്വന്തമാക്കുന്നതിലൂടെ വിക്കി കൗശൽ ബോക്സ് ഓഫീസിൽ വലിയ സ്വാധീനം സൃഷ്ടിക്കാന്‍ കെൽപ്പുള്ള നടനായി മാറുന്നു എന്നാണ് കണക്കുകൂട്ടൽ.
ഈ വര്‍ഷത്തെ ഏറ്റവും വലിയ ബോളിവുഡ് ഹിറ്റിലേക്കാണ് ഛാവ കടക്കുന്നത്. രശ്‌മിക മന്ദാന, അക്ഷയ് ഖന്ന, അശുതോഷ് റാണ, ദിവ്യ ദത്ത, നീൽ ഭൂപാലം എന്നിവരാണ് ചിത്രത്തിൽ പ്രധാന വേഷങ്ങളിൽ എത്തുന്നത്. വിക്കിയുടെ കരിയറിലെ തന്നെ നിർണായകമായ ചിത്രങ്ങളിൽ ഒന്നാണ് ഛാവ. എ ആർ റഹ്‌മാനാണ് ചിത്രത്തിന്റെ സംഗീത സംവിധാനം.
Content Highlights: Chhaava crosses 500 crores at box office
