Get the latest news at
your fingertips!
Download our app now
LIVE TV
Search
അനുഭവ് സിൻഹ ഒരുക്കുന്ന ഐസി 814 ദി കാണ്ഡഹാർ ഹൈജാക്ക് എന്ന സീരിസിന്റെ ടീസർ റിലീസ് ചെയ്തു. അടിമുടി ത്രില്ലടിപ്പിക്കുന്ന സീരീസ് ആയിരിക്കുമിത് എന്ന് ഉറപ്പ് നൽകുന്നതാണ് ടീസർ 1999-ലെ കാണ്ഡഹാർ ഹൈജാക്കിന്റെ പശ്ചാത്തലത്തിൽ കഥ കഥ പറയുന്ന സീരീസ് ഈ മാസം 29 ന് നെറ്റ്ഫ്ലിക്സിൽ സ്ട്രീമിങ് ആരംഭിക്കും.
നേപ്പാളിലെ കാഠ്മണ്ഡുവിലെ ത്രിഭുവൻ ഇൻ്റർനാഷണൽ എയർപോർട്ടിൽ നിന്ന് ന്യൂഡൽഹിയിലേക്ക് ഫ്ളൈറ്റ് ടേക്ക് ഓഫ് ചെയ്യാൻ തയ്യാറെടുക്കുന്നിടത്താണ് ടീസർ ആരംഭിക്കുന്നത്. പെട്ടെന്ന്, മുഖംമൂടി ധരിച്ച അഞ്ച് തീവ്രവാദികൾ വിമാനം ഹൈജാക്ക് ചെയ്യുകയും തോക്കിന് മുനയിൽ നിർത്തി എയർ ഹോസ്റ്റസിനെ ആക്രമിക്കുകയും വിമാനത്തിലുണ്ടായിരുന്ന എല്ലാവരിലും ഭീതി പരത്തുകയും ചെയ്യുന്നതാണ് ടീസറിൽ കാണിക്കുന്നത്.
വിജയ് വർമ്മ, പങ്കജ് കപൂർ, ദിയാ മിർസ, മനോജ് പഹ്വ, നസീറുദ്ദീൻ ഷാ എന്നിവരുൾപ്പെടെ ഒരു വൻ താരനിര ഭാഗമാകുന്ന സീരീസ് ആണിത്. മുൽക്ക്, തപ്പാട്, ആർട്ടിക്കിൾ 17 തുടങ്ങിയ സിനിമകളിലൂടെ ശ്രദ്ധേയനായ അനുഭവ് സിൻഹയുടെ ഒടിടി അരങ്ങേറ്റം കൂടിയാണ് ഐസി 814. അദ്ദേഹത്തിൻ്റെ ബാനറായ ബനാറസ് മീഡിയ വർക്സാണ് സീരീസിന്റെ സഹനിർമ്മാണം.
