വീണ്ടും അറസ്റ്റ്; റാപ്പ് ഗായകൻ ട്രവിസ് സ്കോട്ട് ഇത്തവണ പിടിയിലായത് പാരീസിൽ

പാരീസ് പബ്ലിക് പ്രോസിക്യൂട്ടറുടെ ഓഫീസാണ് ഗായകന്റെ അറസ്റ്റിനേക്കുറിച്ച് അറിയിച്ചിരിക്കുന്നത്

റിപ്പോർട്ടർ നെറ്റ്‌വര്‍ക്ക്‌

1 min read|09 Aug 2024, 06:11 pm

റാപ്പ് ഗായകൻ ട്രവിസ് സ്കോട്ട് പാരീസിൽ അറസ്റ്റിലായി. പാരീസ് ഒളിമ്പിക്സിനെത്തിയ സ്കോട്ട് സുരക്ഷാ ഉദ്യോഗസ്ഥനുമായി വഴക്കിട്ടതാണ് അറസ്റ്റിന് കാരണം. ഈ വർഷം ഇത് രണ്ടാം തവണയാണ് സ്കോട്ട് അറസ്റ്റിലാകുന്നത്. പാരീസ് പബ്ലിക് പ്രോസിക്യൂട്ടറുടെ ഓഫീസാണ് ഗായകന്റെ അറസ്റ്റിനേക്കുറിച്ച് അറിയിച്ചിരിക്കുന്നത്.

31 വര്ഷങ്ങള്ക്ക് ശേഷം മാടമ്പിള്ളിയിലേക്ക് ഒരു യാത്ര;മണിച്ചിത്രത്താഴ് പ്രീമിയർ ഷോയ്ക്ക് വൻവരവേൽപ്പ്

പാരീസിലെ ആഡംബര ഹോട്ടലായ ജോർജസ് വിയിൽ വെച്ച് സുരക്ഷാ ഉദ്യോഗസ്ഥനുമായി വഴക്കിട്ടതിന്നാണ് സ്കോട്ടിനെ പാരീസ് പോലീസ് അറസ്റ് ചെയ്യുന്നത്. സ്വന്തം സുരക്ഷാ ഉദ്യോഗസ്ഥനുമായി തർക്കത്തിലേർപ്പെട്ടുകൊണ്ടിരിക്കുകയായിരുന്നു ഗായകൻ. ഈ പ്രശ്നം പരിഹരിക്കാൻ ഹോട്ടലിലെ സുരക്ഷാ ഉദ്യോഗസ്ഥൻ ശ്രമിക്കുന്നതിനിടെ ഇയാളോടും ട്രവിസ് സ്കോട്ട് മോശമായി പെരുമാറി. ഇതാണ് അദ്ദേഹത്തിന്റെ അറസ്റ്റിലേക്ക് നയിച്ചത്.പാരീസ് ഒളിമ്പിക്സിൽ വ്യാഴാഴ്ച രാത്രി നടന്ന അമേരിക്ക-സെർബിയ പുരുഷ ബാസ്കറ്റ് ബോൾ സെമി ഫൈനൽ മത്സരം കാണാനെത്തിയിരുന്നു.