മേപ്പടിയാന് ശേഷം പ്രണയ ചിത്രവുമായി വിഷ്ണു മോഹൻ ; 'കഥ ഇന്നുവരെ' സെപ്റ്റംബർ 20ന്

ബിജു മേനോന് നായകനായെത്തുന്ന ചിത്രത്തില് പ്രശസ്ത നർത്തകിയായ മേതിൽ ദേവിക പ്രധാന വേഷം കൈകാര്യം ചെയ്യുന്നു.

റിപ്പോർട്ടർ നെറ്റ്‌വര്‍ക്ക്‌

1 min read|24 Aug 2024, 09:48 pm

'മേപ്പടിയാൻ' എന്ന ചിത്രത്തിന് ശേഷം, ദേശീയ അവാർഡ് ജേതാവായ വിഷ്ണു മോഹൻ സംവിധാനം ചെയ്യുന്ന രണ്ടാമത്തെ ചിത്രമായ 'കഥ ഇന്നുവരെ'യുടെ റിലീസ് തീയതി അണിയറപ്രവർത്തകർ പുറത്തുവിട്ടു. ചിത്രം സെപ്റ്റംബർ 20ന് തിയറ്ററുകളിലെത്തും. ഒരു പ്രണയ ചിത്രമാണ് 'കഥ ഇന്നുവരെ'. ഹൃദയസ്പർശിയായ ഒരു പ്രണയകഥയായ ‘കഥ ഇന്നുവരെ’ 2024 സെപ്റ്റംബർ 20-ന് തീയറ്ററുകളിൽ എത്തുമെന്ന് അറിയിക്കുന്നതിൽ സന്തോഷമുണ്ടെന്ന അടിക്കുറിപ്പോടെയാണ് സംവിധായകൻ ചിത്രത്തിന്റെ റീലിസ് തീയതി പങ്കുവച്ചത്. ബിജു മേനോന് നായകനായെത്തുന്ന ചിത്രത്തില് പ്രശസ്ത നർത്തകിയായ മേതിൽ ദേവിക പ്രധാന വേഷം കൈകാര്യം ചെയ്യുന്നു. ആദ്യമായിട്ടാണ് മേതിൽ ദേവിക ഒരു സിനിമയിൽ അഭിനയിക്കുന്നത്.

റിലീസിന് ഒരുങ്ങുന്ന ഈ ചിത്രത്തിൽ നിഖില വിമൽ, ഹക്കീം ഷാജഹാൻ, അനുശ്രീ, അനു മോഹൻ, സിദ്ധിഖ്, രഞ്ജി പണിക്കർ, കോട്ടയം രമേശ്, കൃഷ്ണപ്രസാദ്, അപ്പുണ്ണി ശശി, കിഷോർ സത്യ, ജോർഡി പൂഞ്ഞാർ തുടങ്ങിയവരും അഭിനയിക്കുന്നു. വിഷ്ണു മോഹൻ സ്റ്റോറീസിന്റെ ബാനറിൽ വിഷ്ണു മോഹനും, ഒപ്പം ജോമോൻ ടി ജോൺ, ഷമീർ മുഹമ്മദ്, ഹാരിസ് ദേശം, അനീഷ് പിബി, കൃഷ്ണമൂർത്തി എന്നിവർ ചേർന്നാണ് "കഥ ഇന്നുവരെ" നിർമിക്കുന്നത്.

ഛായാഗ്രഹണം - ജോമോൻ ടി ജോൺ, എഡിറ്റിങ് - ഷമീർ മുഹമ്മദ്, സംഗീതം - അശ്വിൻ ആര്യൻ, പ്രൊഡക്ഷൻ കൺട്രോളർ - റിന്നി ദിവാകർ, പ്രൊഡക്ഷൻ ഡിസൈനർ - സുഭാഷ് കരുൺ, കോസ്റ്റ്യൂംസ് - ഇർഷാദ് ചെറുകുന്ന്, മേക്കപ്പ് - സുധി സുരേന്ദ്രൻ, പ്രോജക്ട് ഡിസൈനർ- വിപിൻ കുമാർ, വി എഫ് എക്സ് - കോക്കനട്ട് ബഞ്ച്, സൗണ്ട് ഡിസൈൻ - ടോണി ബാബു, സ്റ്റിൽസ് - അമൽ ജെയിംസ്, ഡിസൈൻസ് - ഇല്യൂമിനാർട്ടിസ്റ്.