Get the latest news at
your fingertips!
Download our app now
LIVE TV
Search
ഗുരുവായൂരമ്പല നടയില് സിനിമയുടെ വിജയാഘോഷ ചടങ്ങില് തന്റെ പുതിയ മൂന്ന് ചിത്രങ്ങളെ കുറിച്ച് സംസാരിച്ച് പൃഥ്വിരാജ്. വിപിന് ദാസ്, നിസാം ബഷീര്, വിഷ്ണു മോഹന് എന്നിവര്ക്കൊപ്പമുള്ള സിനിമകളെ കുറിച്ചാണ് നടന് സംസാരിച്ചത്. കഴിവുള്ള സംവിധായകര് തന്നെ വെച്ച് സിനിമയെടുക്കുന്നതില് വലിയ സന്തോഷമുണ്ടെന്ന് പൃഥ്വിരാജ് പറഞ്ഞു.
'ഞാന് അടുത്ത സിനിമകള് ചെയ്യാന് പോകുന്ന കുറെ സംവിധായകര് ഇവിടെയുണ്ട്. വിപിന് ദാസിന്റെ അടുത്ത സിനിമ ഞാനാണ് ചെയ്യുന്നത്. നിസാം ബഷീറിന്റെയും വിഷ്ണുവിന്റെയും പുതിയ സിനിമകളില് ഞാനാണ്. മാര്ക്കറ്റുള്ള, കഴിവുള്ള സംവിധായകരൊക്കെ എന്നെ വെച്ച് സിനിമയെടുക്കുന്നതില് ഒരുപാട് സന്തോഷമുണ്ട്. എല്ലാവരുടെയും പ്രോജക്ടുകളെ ഞാന് വലിയ ആവേശത്തോടെയാണ് കാണുന്നത്. ആ സിനിമകള്ക്കെല്ലാം ഇതുപോലെ ഒരു സായാഹ്നം ഉണ്ടാകട്ടെ,' പൃഥ്വിരാജ് പറഞ്ഞു.
പൃഥ്വിരാജിനൊപ്പം ചെയ്യുന്ന രണ്ടാമത്തെ ചിത്രവും കോമഡി ഴോണറിലുള്ളതാണെന്ന് വിപിന് ദാസ് നേരത്തെ അഭിമുഖങ്ങളില് പറഞ്ഞിരുന്നു. ഗുരുവായൂരമ്പല നടയിലിന് മുമ്പേ പൃഥ്വിരാജിനോട് പറഞ്ഞ കഥയാണ് ഇതെന്നും സന്തോഷ് ട്രോഫി എന്നാണ് പേരെന്നും അദ്ദേഹം ഓണ്ലൈന് ചാനലായ ക്യു സ്റ്റുഡിയോയ്ക്ക് നല്കിയ അഭിമുഖത്തില് പറഞ്ഞിരുന്നു. ചിത്രത്തിന്റെ ഷൂട്ടിങ് സംബന്ധിച്ച വിവരങ്ങളൊന്നും പുറത്തുവന്നിട്ടില്ല.
15 മണിക്കൂറുള്ള 'നോര്മല്' ഷിഫ്റ്റ്; പരാതിപ്പെട്ടാല് ഒഴിവാക്കല്; കൂടുതല് വെളിപ്പെടുത്തലുകള്'സന്തോഷ് ട്രോഫി' പെട്ടെന്ന് ചെയ്യാന് കഴിയുന്ന ഒരു കുഞ്ഞു പടമാണ്. 2016-2017 കാലത്താണ് സിനിമയുടെ കഥ ആദ്യമായി ആലോചിച്ചത്. അത് രാജുവിന്റെ ഫ്ളേവര് കൂടി വരുന്ന രീതിയിലും പുതിയ തരത്തിലും ആലോചിക്കുകയാണ്. രാജുവിന് ചാലഞ്ചിങ്ങായ കഥാപാത്രമായിരിക്കും അത്,' വിപിന് ദാസ് പറഞ്ഞു.
നിസാം ബഷീര് സംവിധാനം ചെയ്യുന്ന ചിത്രത്തിന്റെ ഔദ്യോഗിക പ്രഖ്യാപനം കഴിഞ്ഞ ദിവസം നടന്നിരുന്നു. 'നോബഡി' എന്ന് പേരിട്ടിരിക്കുന്ന ചിത്രം സുപ്രിയ മേനോനും മുകേഷ് ആര് മേത്തയും സി വി സാരഥിയും ചേര്ന്നാണ് നിര്മിക്കുന്നത്.
പൃഥ്വിരാജ് പ്രൊഡക്ഷൻസിന്റെ അടുത്ത ചിത്രം 'നോബഡി'; സംവിധാനം നിസാം ബഷീർസമീര് അബ്ദുല് ആണ് തിരക്കഥ. 'റോഷാക്കി'നും 'കെട്ട്യോളാണ് എന്റെ മാലാഖ'യ്ക്കും ശേഷം നിസാം ബഷീര് സംവിധാനം ചെയ്യുന്ന ചിത്രമാണിത്.
വിഷ്ണു മോഹന് സംവിധാനം ചെയ്യുന്ന ചിത്രത്തെ കുറിച്ച് കൂടുതല് വിവരങ്ങളൊന്നും പുറത്തുവന്നിട്ടില്ല. നിലവില് എംപുരാന്റെ ഷൂട്ടിങ്ങ് പൂര്ത്തിയാക്കുന്ന തിരക്കിലാണ് പൃഥ്വിരാജ്. അതിനുശേഷമായിരിക്കും ഈ ചിത്രങ്ങള് ആരംഭിക്കുക.
