ധ്യാൻ ശ്രീനിവാസന്റെ 'ചീനാ ട്രോഫി', ആമസോൺ പ്രൈമിൽ സ്ട്രീമിങ് ആരംഭിച്ചു

പലഹാര കച്ചവടക്കാരനായി ധ്യാൻ ശ്രീനിവാസൻ എത്തുന്ന ചിത്രത്തിൽ പ്രശസ്ത ഷെഫ് സുരേഷ് പിള്ള സുപ്രധാന വേഷത്തിൽ പ്രത്യക്ഷപ്പെടുന്നുണ്ട്

റിപ്പോർട്ടർ നെറ്റ്‌വര്‍ക്ക്‌

1 min read|30 Aug 2024, 06:39 pm

ധ്യാൻ ശ്രീനിവാസനെ നായകനാക്കി അനിൽ ലാൽ സംവിധാനം ചെയ്ത 'ചീനാ ട്രോഫി' ഒടിടി റിലീസ് ചെയ്തു. ആമസോൺ പ്രൈമിലൂടെയാണ് ചിത്രത്തിന്റെ സ്ട്രീമിങ് ആരംഭിച്ചിരിക്കുന്നത്. കഴിഞ്ഞ വർഷം ഡിസംബർ 8നാണ് ചിത്രം തിയേറ്ററിൽ റിലീസ് ചെയ്തത്. ഫാമിലി എൻ്റർടൈനറായി ഒരുക്കിയ ചിത്രം പ്രസിഡൻഷ്യൽ മൂവീസ് പ്രൈവറ്റ് ലിമിറ്റഡിന്റെ ബാനറിൽ അനൂപ് മോഹൻ, ആഷ്ലിൻ മേരി ജോയ്, ലിജോ ഉലഹന്നാൻ എന്നിവർ ചേർന്നാണ് നിർമ്മിച്ചത്.

പലഹാര കച്ചവടക്കാരനായി ധ്യാൻ ശ്രീനിവാസൻ എത്തുന്ന ചിത്രത്തിൽ പ്രശസ്ത ഷെഫ് സുരേഷ് പിള്ള സുപ്രധാന വേഷത്തിൽ പ്രത്യക്ഷപ്പെടുന്നുണ്ട്. ആൻഡ്രോയ്ഡ് കുഞ്ഞപ്പനിലെ നായിക കെന്റി, ജാഫർ ഇടുക്കി, സുധീഷ്, കെപിഎസി ലീല, ദേവിക രമേഷ്, പൊന്നമ്മ ബാബു, സുനിൽ ബാബു, ജോണി ആന്റണി, ജോർഡി പൂഞ്ഞാർ, നാരായണൻ കുട്ടി, വരദ, ബിട്ടു തോമസ് തുടങ്ങിയവരും ചിത്രത്തിലുണ്ട്.

നാല് ദിവസം കൊണ്ട് 12.5 മില്യൺ കാഴ്ചക്കാർ, ട്രെൻഡിങ്ങായി എആർഎം ട്രെയ്ലർ

ചിത്രത്തിലെ 'കുന്നും കേറി' എന്ന ഗാനം സോഷ്യൽ മീഡിയകളിൽ വൈറലായിരുന്നു. പാർവതി എ ജിയുടെ ആലാപനത്തിൽ എത്തിയ ഗാനത്തിന് വർക്കിയാണ് സംഗീതം പകർന്നത്. അനിൽ ലാലിന്റെതാണ് വരികൾ. ചിത്രത്തിലെ മറ്റൊരു ഗാനമായ 'സഞ്ചാരി'യും പ്രേക്ഷകശ്രദ്ധ ആകർഷിച്ചിരുന്നു. അനിൽ ലാലിന്റെ വരികൾക്ക് വർക്കി സംഗീതം പകർന്ന ഈ ഗാനം അറക്കൽ നന്ദകുമാറാാണ് ആലപിച്ചത്. അഷ്ടമൻ പിള്ള ആലാപിച്ച ചിത്രത്തിലെ 'ചൂടാറുംനേരം' എന്ന ഗാനവും സ്വീകാര്യത നേടിയിരുന്നു. വർക്കി സംഗീതം ഒരുക്കിയ ഈ ഗാനത്തിനും അനിൽ ലാലാണ് വരികൾ രചിച്ചത്.

ഛായാഗ്രഹണം: സന്തോഷ് അണിമ, ചിത്രസംയോജനം: രഞ്ജൻ എബ്രഹാം, സംഗീതം: സൂരജ് സന്തോഷ്, വർക്കി, പശ്ചാത്തലസംഗീതം: വർക്കി, സൗണ്ട് ഡിസൈൻ: അരുൺ രാമവർമ്മ, പ്രോജക്ട് ഡിസൈൻ: ബാദുഷ എൻ എം, ചീഫ് അസോസിയേറ്റ് ഡയറക്ടർ: ഉമേഷ് എസ് നായർ, കലാസംവിധാനം: അസീസ് കരുവാരക്കുണ്ട്, മേക്കപ്പ്: അമൽ, സജിത്ത് വിതുര, വസ്ത്രാലങ്കാരം: ശരണ്യ, ഡിഐ: പൊയറ്റിക് പ്രിസം & പിക്സൽ, കളറിസ്റ്റ്: ശ്രീക് വാരിയർ, ഫൈനൽ മിക്സ്: നാക്ക് സ്റ്റുഡിയോ ചെന്നൈ, മിക്സ് എൻജിനീയർ: ടി ഉദയകുമാർ, പ്രൊഡക്ഷൻ കൺട്രോളർ: സനൂപ്, ഡിജിറ്റൽ മാർക്കറ്റിംഗ്: അനൂപ് സുന്ദരൻ.