'സത്യരാജ് കൂലിയിൽ വില്ലനല്ല'; കഥാപാത്രത്തെക്കുറിച്ച് നടന്റെ മകൾ

രാജശേഖർ എന്ന കഥാപാത്രമായാണ് കൂലിയിൽ സത്യരാജ് എത്തുന്നത്

റിപ്പോർട്ടർ നെറ്റ്‌വര്‍ക്ക്‌

1 min read|03 Sep 2024, 11:51 pm

രജനികാന്ത് ചിത്രം കൂലിയിൽ നടൻ സത്യരാജ് വില്ലൻ വേഷത്തിലെത്തുമെന്ന അഭ്യൂഹങ്ങളെ തള്ളി മകൾ ദിവ്യ സത്യരാജ്. സിനിമയുടെ പൂർണ്ണ കഥ തനിക്ക് അറിയാം. എന്നാൽ അതിപ്പോൾ വെളിപ്പെടുത്താനാവില്ല. എന്നാൽ സിനിമയിൽ സത്യരാജ് വില്ലൻ കഥാപാത്രത്തെയല്ല അവതരിപ്പിക്കുക എന്ന് ഉറപ്പ് നൽകാമെന്ന് ദിവ്യ പറഞ്ഞു. സോഷ്യൽ മീഡിയയിൽ ആരാധകരുമായി സംവദിക്കവേയാണ് ദിവ്യ ഇക്കാര്യം പറഞ്ഞത്.

കഴിഞ്ഞ ദിവസം നടന്റെ ക്യാരക്ടർ പോസ്റ്റർ അണിയറപ്രവർത്തകർ പുറത്തുവിട്ടിരുന്നു. ബ്ലാക്ക് ആൻഡ് വൈറ്റിൽ, കട്ട ആറ്റിറ്റ്യൂഡില് പോസ് ചെയ്യുന്ന സത്യരാജിന്റെ പോസ്റ്റർ നിമിഷ നേരം കൊണ്ട് ആരാധകരുടെ ശ്രദ്ധപിടിച്ചു പറ്റുകയും ചെയ്തു. രാജശേഖർ എന്ന കഥാപാത്രമായാണ് കൂലിയിൽ സത്യരാജ് എത്തുന്നത്. 38 വര്ഷങ്ങള്ക്ക് ശേഷമാണ് രജനികാന്തും സത്യരാജും ഒരു ചിത്രത്തിൽ ഒന്നിച്ച് അഭിനയിക്കുന്നത്.

ആക്ഷൻ ഡ്രാമ വിഭാഗത്തിലൊരുങ്ങുന്ന ഒരു പിരിയഡ് ഗ്യാങ്സ്റ്റർ ആക്ഷൻ ത്രില്ലർ ചിത്രമാണ് കൂലി. സിംഗപ്പൂര്, ദുബായ്, യുഎസ്എ തുടങ്ങിയ രാജ്യങ്ങളില് നിന്നും ഇന്ത്യയിലേക്ക് നടത്തുന്ന സ്വര്ണക്കള്ളക്കടത്ത് ആണ് ചിത്രത്തിന്റെ പ്രമേയമാകുക എന്നാണ് റിപ്പോര്ട്ട്.

കൊരട്ടല ശിവ-ജൂനിയർ എൻടിആർ ചിത്രം; 'ദേവര'യുടെ വമ്പൻ അപ്ഡേറ്റ് വരുന്നു

ലോകേഷ് കനകരാജിന്റെ സംവിധാനത്തിൽ ഒരുങ്ങുന്ന സിനിമയിൽ നാഗാർജുന, ഉപേന്ദ്ര, ശ്രുതി ഹാസൻ, തുടങ്ങിയവരും പ്രധാന വേഷങ്ങളിലെത്തുന്നുണ്ട്. സണ് പിക്ചേഴ്സിന്റെ ബാനറില് കലാനിധി മാരനാണ് കൂലിയുടെ നിർമ്മാണം. മലയാളിയായ ഗിരീഷ് ഗംഗാധരനാണ് ഛായാഗ്രാഹകന്. അനിരുദ്ധ് സംഗീതമൊരുക്കും. സണ് പിക്ചേഴ്സിന്റെ ബാനറില് കലാനിധി മാരനാണ് കൂലിയുടെ നിർമ്മാണം.