മമ്മൂക്കയുടെ സ്റ്റൈലൻ റോളിന് കയ്യടിക്കാൻ കാത്തിരിപ്പ് നീളും; ബസൂക്ക ഒക്ടോബറിലുമെത്തില്ല?

സിനിമ ഒക്ടോബറിൽ റിലീസ് ചെയ്തേക്കില്ലെന്നാണ് പുതിയ റിപ്പോർട്ട്

റിപ്പോർട്ടർ നെറ്റ്‌വര്‍ക്ക്‌

1 min read|05 Sep 2024, 08:07 pm

ടർബോ ജോസിന്റെ വമ്പൻ പ്രകടനത്തിന് ശേഷം മമ്മൂട്ടി ആരാധകർ കണ്ണും നട്ടിരിക്കുന്നത് 'ബസൂക്ക'യ്ക്ക് വേണ്ടിയാണ്. എന്നാൽ ആ കാത്തിരിപ്പ് കുറച്ച് നീണ്ടേക്കുമെന്ന വാർത്തകളാണ് ഇപ്പോൾ വരുന്നത്. കലൂര് ഡെന്നിസിന്റെ മകന് ഡിനോ ഡെന്നിസ് ആദ്യമായി സംവിധാനം ചെയ്യുന്ന ചിത്രം ഒക്ടോബറിൽ റിലീസ് ചെയ്യുമെന്ന് അഭ്യൂഹങ്ങൾ നേരത്തേയുണ്ടായിരുന്നു. എന്നാൽ സിനിമ ഒക്ടോബറിൽ റിലീസ് ചെയ്തേക്കില്ലെന്നാണ് പുതിയ റിപ്പോർട്ട്. 2024 ഡിസംബറിലോ 2025 ജനുവരിയിലോ ആയിരിക്കും ചിത്രം റിലീസ് ചെയ്യുക എന്നാണ് ഒടിടി പ്ലേ റിപ്പോർട്ട് ചെയ്യുന്നത്.

കഴിഞ്ഞ മാസമായിരുന്നു സിനിമയുടെ ടീസർ റിലീസ് ചെയ്തത്. മമ്മൂട്ടിയുടെ കിടിലൻ ലുക്കും മാസ് ഡയലോഗുകളുമായിരുന്നു ടീസറിന്റെ ഹൈലൈറ്റ്. ടീസർ റിലീസിന് പിന്നാലെ സിനിമയെക്കുറിച്ചുള്ള ആരാധകരുടെ പ്രതീക്ഷകൾ പതിന്മടങ്ങ് വർധിച്ചിട്ടുമുണ്ട്.

തമിഴ് സംവിധായകനും നടനുമായ ഗൗതം വാസുദേവ് മേനോൻ ഒരു നിർണ്ണയ വേഷം ചെയ്യുന്ന ഈ ചിത്രത്തിൽ സിദ്ധാർത്ഥ് ഭരതൻ, ബാബു ആൻ്റണി, ഹക്കീം ഷാജഹാൻ, ഭാമ അരുൺ, ഡീൻ ഡെന്നിസ്, സുമിത് നേവൽ, ദിവ്യാ പിള്ള, സ്ഫടികം ജോർജ് എന്നിവരും അഭിനയിച്ചിട്ടുണ്ട്. കാപ്പ, അന്വേഷിപ്പിൻ കണ്ടെത്തും എന്നിവക്ക് ശേഷം തിയേറ്റർ ഓഫ് ഡ്രീംസ് നിർമ്മിക്കുന്ന ചിത്രമാണ് ബസൂക്ക.

ഗോട്ട് കാണാൻ 'റിയൽ ഗോട്ടു'മായി എത്തി നടൻ കൂൾ സുരേഷ്; വീഡിയോ വൈറൽ

സംഗീതം മിഥുൻ മുകുന്ദ്, ഛായാഗ്രഹണം നിമിഷ് രവി, എഡിറ്റിംഗ് നൗഫൽ അബ്ദുള്ള, കലാസംവിധാനം അനീസ് നാടോടി, കോസ്റ്റ്യൂം ഡിസൈൻ സമീറ സനീഷ്, മേക്കപ്പ് ജിതേഷ് പൊയ്യ, ചീഫ് അസോസിയേറ്റ് ഡയറക്ടർ സുജിത്, പ്രൊഡക്ഷൻ എക്സിക്യൂട്ടീവ്സ് ഷെറിൻ സ്റ്റാൻലി, പ്രതാപൻ കല്ലിയൂർ, പ്രൊഡക്ഷൻ കൺട്രോളർ സഞ്ജു ജെ എന്നിവരാണ് മറ്റു അണിയറപ്രവർത്തകർ.