![ടിവി ദേഹത്തേക്ക് മറിഞ്ഞുവീണു; ഒന്നരവയസുകാരന് ദാരുണാന്ത്യം](http://media.assettype.com/reporterlive%2F2024-06%2F270b4af1-5ab4-4384-8c0d-fc0842963013%2Ftvvvvv.jpg?w=480&auto=format%2Ccompress&fit=max)
മൂവാറ്റുപുഴ: മൂവാറ്റുപുഴയിൽ ടിവി ദേഹത്തേക്ക് മറിഞ്ഞുവീണ് ഒന്നര വയസുകാരന് ദാരുണാന്ത്യം. പായിപ്ര മൈക്രോ ജംഗ്ഷൻ പൂവത്തുംചുവട്ടിൽ അനസിന്റെ മകൻ അബ്ദുൽ സമദാണ് മരിച്ചത്.
തിങ്കളാഴ്ച രാത്രി 9:30 ഓടെയാണ് സംഭവം. സ്റ്റാൻഡിനൊപ്പം തന്നെ ടിവിയും കുഞ്ഞിന്റെ ദേഹത്തേക്ക് മറിഞ്ഞു വീഴുകയായിരുന്നു. ഗുരുതരമായി പരിക്കേറ്റ കുട്ടിയെ ഉടൻ ആശുപത്രിയിൽ പ്രവേശിപ്പിച്ചെങ്കിലും പുലർച്ചെ മരണം സംഭവിക്കുകയായിരുന്നു.