![ഒറ്റ മത്സരം ബാക്കിയാക്കി ഒന്നാമതെത്തി; ഒറ്റ ഗോളിന് ഗണ്ണേഴ്സ് ജയം](http://media.assettype.com/reporterlive%2F2024-05%2F75524713-3e66-4c95-a08d-3765733525b8%2Farsenan_.jpg?w=480&auto=format%2Ccompress&fit=max)
ലണ്ടൻ: ഇംഗ്ലീഷ് പ്രീമിയർ ലീഗിൽ കിരീടപ്പോരാട്ടം കടുപ്പിച്ച് ആഴ്സണൽ. മാഞ്ചസ്റ്റർ യുണൈറ്റഡിനെ ഒരൊറ്റ ഗോളിന് തകർത്ത് ഗണ്ണേഴ്സ് പോയിന്റ് ടേബിളിൽ ഒന്നാമതെത്തി. 20-ാം മിനിറ്റിൽ ലിയാൻഡ്രോ ട്രോസാർഡ് ആഴ്സണലിനായി വിജയഗോൾ നേടി. പ്രീമിയർ ലീഗ് സീസണിൽ ഒരൊറ്റ മത്സരം ബാക്കിയുള്ളപ്പോൾ ഗണ്ണേഴ്സിന് 86 പോയിന്റായി.
സീസണിൽ രണ്ട് മത്സരം ബാക്കിയുള്ള മാഞ്ചസ്റ്റർ സിറ്റി 85 പോയിന്റുമായി രണ്ടാമതുണ്ട്. മറ്റ് ടീമുകളുടെ കിരീടപ്രതീക്ഷകൾ അവസാനിച്ചതിനാൽ ഇനിയുള്ള പോരാട്ടം ഗണ്ണേഴ്സും സിറ്റിയും തമ്മിലാണ്. എവർട്ടനുമായാണ് പ്രീമിയർ ലീഗിൽ ആഴ്സണലിന്റെ അവസാന മത്സരം. ടോട്ടനത്തിനെതിരെയും വെസ്റ്റ് ഹാമിനെതിരെയും സിറ്റിക്ക് മത്സരം ബാക്കിയുണ്ട്.
ഇന്നത്തെ മത്സരത്തിൽ മാഞ്ചസ്റ്റർ യുണൈറ്റഡും ആഴ്സണലും ഇഞ്ചോടിഞ്ച് മത്സരിച്ചു. പന്തടക്കത്തിലും ഷോട്ടുകളുടെ എണ്ണത്തിലും ഇരുടീമുകളും ഏകദേശം ഒപ്പത്തിനൊപ്പമായിരുന്നു. എന്നാൽ ലിയാൻഡ്രോയുടെ ഒറ്റ ഗോൾ മത്സരഫലം വേർതിരിച്ചു.