![ദിമിത്രിയോസ് ഡയമന്റകോസ് ബ്ലാസ്റ്റേഴ്സ് വിട്ടു; സ്ഥിരീകരിച്ച് താരം](http://media.assettype.com/reporterlive%2F2024-05%2Fc2c58659-f43f-42fe-8132-01a8bec3e854%2Fdimi.jpg?w=480&auto=format%2Ccompress&fit=max)
കൊച്ചി: കേരള ബ്ലാസ്റ്റേഴ്സിന്റെ ഗ്രീക്ക് സ്ട്രൈക്കര് ദിമിത്രിയോസ് ഡയമന്റകോസ് ക്ലബ്ബ് വിട്ടു. താരം തന്നെയാണ് സോഷ്യല് മീഡിയ അക്കൗണ്ടിലൂടെ ഇക്കാര്യം പങ്കുവെച്ചത്. ക്ലബ്ബിലെ തന്റെ രണ്ട് വര്ഷത്തെ സേവനം അവസാനിപ്പിക്കുന്നുവെന്ന് പറഞ്ഞ ദിമിത്രിയോസ് ആരാധകരോട് നന്ദിയും അറിയിച്ചു.
ബ്ലാസ്റ്റേഴ്സിന്റെ ചരിത്രത്തില് തന്നെ ഏറ്റവും കൂടുതല് ഗോളുകള്അടിച്ചുകൂട്ടിയ താരമാണ് ദിമി. 2022ല് കേരള ബ്ലാസ്റ്റേഴ്സിന്റെ തട്ടകത്തിലെത്തിയ താരം 44 ഗോളുകളാണ് ബ്ലാസ്റ്റേഴ്സിന് വേണ്ടി അടിച്ചുകൂട്ടിയത്. ഐഎസ്എല്ലില് കഴിഞ്ഞ സീസണിലെ ഗോള്ഡന് ബൂട്ട് ജേതാവുമായിരുന്നു.