![പെട്രോളിൻ്റെയും ഡീസലിൻ്റെ യും വില കുറയും; ജൂൺ മാസത്തെ ഇന്ധന വില പ്രഖ്യാപിച്ച് യുഎഇ](http://media.assettype.com/reporterlive%2F2024-05%2F3909a61d-81b2-4b22-93ec-a8488784b5e7%2FUAE_FUEL_PRICE__1_.jpg?w=480&auto=format%2Ccompress&fit=max)
അബുദബി: യുഎഇയില് അടുത്ത മാസത്തെ ഇന്ധന വില പ്രഖ്യാപിച്ചു. പെട്രോളിൻ്റേയും ഡീസലിൻ്റേയും പുതിയ വില ജൂണ് ഒന്ന് മുതലാണ് പ്രാബല്യത്തില് വരിക. യുഎഇ ഇന്ധന വില നിര്ണയ സമിതിയാണ് പുതിയ നിരക്കുകള് പ്രഖ്യാപിച്ചത്.
സൂപ്പര് 98 പെട്രോള് ലിറ്ററിന് 3.14 ദിര്ഹമാണ് ജൂണ് മാസത്തിലെ വില. മെയ് മാസത്തില് ഇത് 3.34 ദിര്ഹം ആയിരുന്നു.
സ്പെഷ്യല് 95 പെട്രോള് ലിറ്ററിന് 3.02 ദിര്ഹമാണ് ജൂണ് മാസത്തിലെ വില. നിലവില് ഇത് 3.22 ദിര്ഹമാണ്.
ഇ-പ്ലസ് 91 പെട്രോളിന് ലിറ്ററിന് 2.95 ദിര്ഹമാണ് പുതിയ വില. മെയ് മാസത്തില് 3.15 ദിര്ഹം ആയിരുന്നു.
ഡീസല് ലിറ്ററിന് 2.88 ദിര്ഹമാണ് പുതിയ വില. മെയ് മാസത്തില് 3.07 ദിര്ഹമായിരുന്നു.