Get the latest news at
your fingertips!
Download our app now
LIVE TV
Search
അബുദബി: മെച്ചപ്പെട്ട നാളെയെ സൃഷ്ടിക്കാൻ യുവജനങ്ങളിലുള്ള വിശ്വാസം പ്രകടിപ്പിച്ച് യുഎഇ പ്രസിഡന്റ് ഷെയ്ഖ് മുഹമ്മദ് ബിൻ സായിദ് അൽ നഹ്യാൻ. ആഗസ്റ്റ് 12 അന്താരാഷ്ട്ര യുവജന ദിനത്തിൽ യുവജനങ്ങള്ക്കായി ഷെയ്ഖ് മുഹമ്മദ് ഒരു പ്രചോദനാത്മക സന്ദേശം പങ്കുവെച്ചു. രാജ്യത്തിനും ലോകത്തിനും മെച്ചപ്പെട്ട ഭാവി രൂപപ്പെടുത്തുന്നതിൽ യുവാക്കൾക്കുള്ള പ്രധാന പങ്ക് ആഘോഷിക്കുന്നുവെന്ന് ഷെയ്ഖ് മുഹമ്മദ് സോഷ്യൽ മീഡിയയിൽ പങ്കുവെച്ച വീഡിയോ സന്ദേശത്തിൽ വ്യക്തമാക്കി.
'അന്താരാഷ്ട്ര യുവജന ദിനത്തിൽ, നമ്മുടെ രാജ്യത്തിനും ലോകത്തിനും മെച്ചപ്പെട്ട ഭാവി രൂപപ്പെടുത്തുന്നതിൽ യുവാക്കളുടെ പ്രധാന പങ്ക് ഞങ്ങൾ ആഘോഷിക്കുന്നു. അവരുടെ അഭിലാഷത്തിലൂടെയും നിശ്ചയദാർഢ്യത്തിലൂടെയും, എല്ലാവർക്കും കൂടുതൽ സുസ്ഥിരവും സമൃദ്ധവുമായ ഭാവിയിലേക്കുള്ള പുരോഗതി ത്വരിതപ്പെടുത്തുന്നതിന് യുവാക്കൾ അത്യന്താപേക്ഷിതമാണ്. കൂടാതെ നമ്മുടെ രാജ്യത്തിൻ്റെ വളർച്ചയെ പരിവർത്തനം ചെയ്യാൻ യുവാക്കളിൽ നിക്ഷേപം നടത്താനും അവരെ ശാക്തീകരിക്കാനും യുഎഇ പ്രതിജ്ഞാബദ്ധമാണ്,' ഷെയ്ഖ് മുഹമ്മദ് പറഞ്ഞു.
في اليوم العالمي للشباب، نحتفي بإنجازات دولة الإمارات في مجال تمكين الشباب وتزويدهم بالمعارف والخبرات التي تؤهلهم لقيادة مسيرة التطور والازدهار التي تشهدها الدولة في جميع المجالات. pic.twitter.com/NL8OyCQ2CG
— مكتب أبوظبي الإعلامي (@ADMediaOffice) August 12, 2024
യുഎഇ വൈസ് പ്രസിഡൻ്റും പ്രധാനമന്ത്രിയും ദുബായ് ഭരണാധികാരിയുമായ ഷെയ്ഖ് മുഹമ്മദ് ബിൻ റാഷിദ് അൽ മക്തൂമും യുവജനങ്ങൾക്ക് ആശംസകൾ നേർന്നു. യുവജനങ്ങളാണ് ഭാവിയുടെ ഇന്ധനമെന്നാണ് ഷെയ്ഖ് മുഹമ്മദ് ബിൻ റാഷിദ് അൽ മക്തൂം പറഞ്ഞത്.
'യുവജനങ്ങളാണ് രാജ്യത്തിൻ്റെ പന്തയം. ഭാവിയുടെ ഇന്ധനം. യഥാർത്ഥ വികസനത്തിൻ്റെ ചലനശക്തിയുള്ള യന്ത്രം. അവരുടെ പ്രയത്നത്താൽ രാഷ്ട്രങ്ങൾ ഉയർന്നുവരുന്നു. കെട്ടിടങ്ങൾ തഴച്ചുവളരുന്നു, മനുഷ്യജീവിതം പുരോഗമിക്കുന്നു. ഞങ്ങൾ അവരിൽ അഭിമാനിക്കുന്നു, ഞങ്ങൾ അവർക്ക് പതാക കൈമാറുന്നു; ഭരണാധികാരി കൂട്ടിച്ചേർത്തു.
الشباب رهان الوطن .. وقود المستقبل .. قاطرة التنمية الحقيقية ..
— HH Sheikh Mohammed (@HHShkMohd) August 12, 2024
بهمتهم تعلوا الأوطان .. ويزدهر البنيان … وترقى حياة الإنسان ..
بهم نفاخر العالم .. ولهم نسلم الراية .. #اليوم_العالمي_للشباب pic.twitter.com/fkkXHLoQmy
അന്താരാഷ്ട്ര യുവജന ദിനത്തിൽ യുവജനങ്ങളെ അധിക ഉത്തരവാദിത്തങ്ങൾ ഏറ്റെടുക്കുന്നതിനും അവരുടെ അഭിലാഷങ്ങൾ നിറവേറ്റുന്നതിനും സഹായിക്കുന്നതിന് യുഎഇ ഒരു പുതിയ സംരംഭവും ആരംഭിച്ചു. ഫെഡറൽ അതോറിറ്റി ഫോർ ഗവൺമെൻ്റ് ഹ്യൂമൻ റിസോഴ്സസ് (എഫ്എഎച്ച്ആർ) ഫെഡറൽ യൂത്ത് അതോറിറ്റിയുടെ സഹകരണത്തോടെ ഫെഡറൽ ഗവൺമെൻ്റിലെ സർക്കാർ പ്രതിഭകൾക്കായുള്ള യൂത്ത് കൗൺസിലിൻ്റെ രൂപീകരണം ആരംഭിച്ചു.
