Get the latest news at
your fingertips!
Download our app now
LIVE TV
Search
മസ്‌കറ്റ്: വേൾഡ് മലയാളി ഫെഡറേഷൻ ഒമാൻ കൗൺസിൽ കേരള പിറവി ദിനത്തിൽ 'മാനവീയം 2024' ആഘോഷിച്ചു. മസ്‌കറ്റ്, അൽഫലാജ് ഗ്രാൻറ് ഓഡിറ്റോറിയത്തിൽവെച്ചാണ് ആഘോഷ പരിപാടി സംഘടിപ്പിച്ചത്. ചടങ്ങിൽ ആദ്യ ഇന്ത്യൻ ബഹിരാകാശ വിനോദസഞ്ചാരിയും ഇന്ത്യൻ പര്യവേക്ഷക ചാനലായ സഫാരി ടിവിയുടെ സ്ഥാപകനും മാനേജിംഗ് ഡയറക്ടറുമായ ഡോ. സന്തോഷ് ജോർജ് കുളങ്ങര വിശിഷ്ടാതിഥിയായി പങ്കെടുത്തു. ഇന്ത്യയിലെ ഏറ്റവും മികച്ച സംസ്ഥാനങ്ങളിൽ ഒന്നാണ് കേരളമെന്ന് അദ്ദേഹം പറഞ്ഞു. പല അടിസ്ഥാന സൗകര്യങ്ങളുടെയും വിദ്യാഭ്യാസത്തിന്റെയും ആരോഗ്യത്തിന്റെയും മറ്റും കാര്യങ്ങളിൽ കേരളം മുന്നിൽ നിൽക്കുന്നതില്‍ കേരള സമൂഹം പ്രവാസികളോട് കടപ്പെട്ടിരിക്കുന്നുവെന്നും ഡോ. സന്തോഷ് ജോർജ് കുളങ്ങര 'മാനവീയം 2024' ഉദ്‌ഘാടന പ്രസംഗത്തിൽ പറഞ്ഞു.
ഒമാനിൽ 51 വർഷത്തെ പ്രവാസ ജീവിതം പൂർത്തിയാക്കിയ വ്യവസായിയും കേരളത്തിൽ അനേകം വിദ്യാഭ്യാസ സ്ഥാപനങ്ങൾക്ക് നേതൃത്വം നൽകുന്ന വ്യക്തിയുമായ ഡോ. ഗീവർഗീസ് യോഹന്നാൻ, വേൾഡ് മലയാളി ഫെഡറേഷൻ ഫൗണ്ടർ ചെയർമാൻ ഡോ. പ്രിൻസ് പള്ളിക്കുന്നേൽ, ഗ്ലോബൽ ചെയർമാൻ ഡോ. ജെ രത്‌നകുമാർ, ഗ്ലോബൽ പ്രസിഡന്റ് പൗലോസ് തെപ്പാല, ഗ്ലോബൽ വൈസ് പ്രസിഡൻറ് അമ്മുജം രവീന്ദ്രൻ, ഗ്ലോബൽ ഹെൽത്ത് ഫോം കോഡിനേറ്റർ ഷിബു തോമസ്, മിഡിൽ ഈസ്റ്റ് കോർഡിനേറ്റർ ഉല്ലാസ് ചെറിയാൻ, മിഡിൽ ഈസ്റ്റ് വൈസ് പ്രസിഡണ്ട് സുനിൽ മാധവൻ, ഖത്തർ നാഷണൽ വൈസ് പ്രസിഡൻ്റ് സുരേഷ് ബാബു, നാഷണൽ കോർഡിനേറ്റർ സുനിൽകുമാർ, നാഷണൽ പ്രസിഡന്റ് ജോർജ് പി രാജൻ, നാഷണൽ സെക്രട്ടറി ഷെയ്ഖ് റഫീഖ്, നാഷണൽ ട്രഷറർ ജോസഫ്, പ്രോഗ്രാം കോർഡിനേറ്റർ അനൂപ് ദിവാകരൻ എന്നിവർ പങ്കെടുത്തു.
ലോകത്തിലെ ഒരു ഭാഷാ സമൂഹത്തിനും എത്തിപ്പെടാൻ പറ്റാത്ത, അല്ലെങ്കിൽ മലയാളികളെ പോലെ എത്തിപ്പെട്ട മറ്റൊരു ഭാഷാ സമൂഹം ഇല്ലെന്നും അതിന് ഒരു ഉദാഹരണമാണ് 166 രാജ്യങ്ങളും കണ്ടുപിടിച്ച് അവിടെയെല്ലാം വേൾഡ് മലയാളി ഫെഡറേഷൻ കൗൺസിലുകൾ രൂപീകരിക്കാൻ കഴിഞ്ഞതെന്നും വേൾഡ് മലയാളി ഫെഡറേഷൻ ഫൗണ്ടർ ചെയർമാൻ ഡോ. പ്രിൻസ് പള്ളിക്കുന്നേൽ പറഞ്ഞു. ലോകത്തിലെ ഏറ്റവും വലിയ സംഘടനയായ വേൾഡ് മലയാളി ഫെഡറേഷൻ മലയാളികൾക്ക് മാത്രമല്ല മറ്റു രാജ്യക്കാർക്കും പല ഭഷക്കാരായ ആളുകൾക്കും ഈ സംഘടന കൊണ്ട് വിവിധ രീതിയിലുള്ള പ്രയോജനങ്ങൾ ലഭിച്ചിട്ടുണ്ട്. ഇനിയും അത് പ്രതീക്ഷിക്കാമെന്നും ഡോ. പ്രിൻസ് പള്ളിക്കുന്നേൽ പറഞ്ഞു.
ജാതി, മത, വർഗ രാഷ്ട്രീയത്തിന് അതീതമായി വലിയവനെന്നോ ചെറിയവനെന്നോ വ്യത്യാസമില്ലാതെ മാനവികത മാത്രം ലക്ഷ്യമാക്കി പ്രവൃത്തിക്കുന്ന ഒരു സംഘടനയാണ് വേൾഡ് മലയാളി ഫെഡറേഷൻ. ഇന്ത്യക്കാർക്ക് വേണ്ടിയും പ്രവാസികൾ ജോലി ചെയ്യുന്ന രാഷ്ട്രത്തിലെ ജനങ്ങൾക്ക് വേണ്ടിയും പ്രത്യേകിച്ച് മലയാളികൾക്ക് വേണ്ടിയും സന്നദ്ധ സേവനം ചെയ്യുക എന്നതാണ് വേൾഡ് മലയാളി ഫെഡറേഷൻ്റെ ഭരണ ഘടന അനുശാസിക്കുന്നത്. 166 രാജ്യങ്ങളെ കോർത്തിണക്കി കൊണ്ടുള്ള ഒരു ആഗോള ഹെല്പ് ഡസ്ക് ആണ് വേൾഡ് മലയാളി ഫെഡറേഷന്റെ ഏറ്റവും വലിയ നേട്ടവും ശക്തിയും എന്ന് ഗ്ലോബൽ ചെയർമാൻ ഡോ. ജെ രത്‌നകുമാർ പറഞ്ഞു.
വേൾഡ് മലയാളി ഫെഡറേഷന്റെ ആദ്യത്തെ പ്രവാസി മാനവീയ പുരസ്കാരം ഡോ. ഗീവർഗീസ് യോഹന്നാന് സന്തോഷ് ജോർജ്ജ് കുളങ്ങര സമ്മാനിച്ചു. ചീഫ് എഡിറ്റർ സപ്ന അനു ബി ജോർജിന്റെ നേതൃത്വത്തിൽ തയ്യാറാക്കിയ വിശ്വകൈരളി മാസികയുടെ പതിനൊന്നാം പതിപ്പായ 'വേൾഡ് മലയാളി ഫെഡറേഷൻ വായനാടിനൊപ്പം' പ്രകാശനം ചെയ്തു.
സന്തോഷ് ജോർജ് കുളങ്ങരയും എഡിറ്റോറിയൽ ബോർഡ് അംഗവും ഗ്ലോബൽ മലയാളം ഫോറം കോർഡിനേറ്ററുമായ രാജൻ വി കൊക്കുരിയും ചേർന്നാണ് മാസിക ഔപചാരികമായി പ്രകാശനം ചെയ്തത്. ആഗോള മലയാളി സമൂഹത്തിന്റെ സംഭാവനകളും വിശേഷങ്ങളും പ്രതിഫലിപ്പിക്കുന്ന സമഗ്രമായ ലേഖനങ്ങൾ ഉൾക്കൊള്ളുന്നതാണ് ഈ പതിപ്പ്.
തുടർന്ന് പിന്നണി ഗായകരായ നജീം അർഷദ്, ഭാഗ്യരാജ്, ക്രിസ്റ്റികല സംഘവും അവതരിപ്പിച്ച സംഗീത വിരുന്നും പ്രശസ്‌ത മിമിക്രി താരം രാജേഷ് അടിമാലി അവതരിപ്പിച്ച സ്റ്റാൻഡ് അപ് കോമഡി ഷോയും നടന്നു. വേൾഡ് മലയാളി ഫെഡറേഷൻ ഒമാൻ നേഷണൽ കോർഡിനേറ്റർ സുനിൽകുമാർ സ്വാഗതവും പ്രോഗ്രാം കോർഡിനേറ്റർ അനൂപ് ദിവാകരൻ നന്ദിയും പറഞ്ഞു.
രാജൻ കൊക്കുരി, മനോജ് നാരായണൻ, പത്മകുമാർ, ദിവ്യ മനോജ്, അനിതാ രാജൻ, വിജി, ദീപ്തി, ഹർഷ, സന്ധ്യ, ശ്രീകുമാർ, അജീഷ്, കൃഷ്ണ, റോണി, വിനോദ്, അനീഷ് കുമാർ, അനീഷ്, ജാസിം റഹീം, ബാലൻ, മറിയ, നീതു അനിൽ, രഞ്ജു, ദിവ്യ ഹരീഷ്, തംജദ്, അനിൽ, രവീന്ദ്ര നാഥ്, രൂപ കുറുപ്പ്, രാധിക നാരായണൻ, നിമ്മി ജോസ് (നിസ്‌വ), വിനീത (സൊഹാർ), ശോഭ ഉല്ലാസ്, ഷെറിൻ ജോർജ്, അർച്ചന, സുധീർ, അനിൽ, വിനോദ് നായർ, സരിൽ, സിബിൻ, സുനീത് കുമാർ, അനിൽ വർഗീസ്, അനിൽ പി ആർ, ലിജി, അനീഷ്, സുധീർ ചന്ദ്രോത്ത്, രമ ശിവ്, ജയാനന്ദൻ, ബാബു, ലിജിഹാസ്, ഷെർശിജ്ജ്, സുലത, മുഹമ്മദ് യാസീൻ ഒരുമനയൂർ എന്നിവരാണ് 'മാനവീയം 2024' ന് നേതൃത്വം നൽകിയത്.
Content Highlights: World Malayali Federation Oman Council celebrated 'Manaveeyam 2024'
