Get the latest news at
your fingertips!
Download our app now
LIVE TV
Search
ദോഹ: അഞ്ചാമത് ഖത്തർ ബലൂൺ ഫെസ്റ്റിവലിന് ഡിസംബർ 12ന് തുടക്കം. 21 രാജ്യങ്ങളിൽ നിന്നായി 50തിലധികം ഹോട്ട് എയർ ബലൂണുകളാണ് ഫെസ്റ്റിവലിനായി അണിനിരക്കുക. കത്താറ കൾച്ചറൽ വില്ലേജിൻ്റെ തെക്കൻ പാർക്കിംഗ് ഏരിയയിലാണ് ബലൂൺ ഫെസ്റ്റിവൽ നടക്കുക. ദിവസവും വൈകിട്ട് മൂന്ന് മണി മുതല് രാത്രി 10 മണിവരെയാണ് ഫെസ്റ്റിവലിന്റെ സമയം. ഡിസംബർ 12 ന് തുടക്കം കുറിക്കുന്ന ബലൂൺ ഫെസ്റ്റിവൽ ഡിസംബർ 21നാണ് അവസാനിക്കുക.
ബ്രസീൽ, ഫ്രാൻസ്, യൂണൈറ്റഡ് കിംഗ്ഡം, ജപ്പാൻ തുടങ്ങിയ രാജ്യങ്ങളിൽ നിന്നാണ് ബലൂൺ റൈഡേഴ്സ് വരുന്നത്. പ്രത്യേക ആകൃതിയിലുള്ളതും പരമ്പരാഗതവുമായ വൃത്താകൃതിയിലുള്ള ബലൂണുകളും ഫെസ്റ്റിവലിലെ കൂടുതൽ ആകർഷിപ്പിക്കുന്ന കാഴ്ചയായിരിക്കും.
വിസിറ്റ് ഖത്തറിന്റേയും കൾച്ചറൽ വില്ലേജ് ഫൗണ്ടേഷൻ്റേയും സഹകരണത്തോടെ സേഫ് ഫ്ലൈറ്റ് സൊല്യൂഷൻസാണ് പരിപാടി സംഘടിപ്പിക്കുന്നത്. നിരവധി വൈവിധ്യമാർന്ന പരിപാടികളും കുടുംബ സൗഹൃദ വിനോദ പരിപാടികളും ഫെസ്റ്റിവലിൽ ഉൾപ്പെടുത്തിയിട്ടുണ്ട്. ടെതർ ചെയ്ത ബലൂൺ കണ്ണടകൾ, നൈറ്റ്ഗ്ലോ ഇവന്റുകൾ, ലേസർ ഷോകൾ, എന്നിവയും ഒരുക്കുന്നുണ്ട്. ഇത്തവണ ആദ്യമായി ഹോട്ട് എയർ ബലൂൺ നിർമ്മാണത്തിനും മേള സാക്ഷ്യം വഹിക്കും.
അള്‍ജീരിയ, ബെല്‍ജിയം, ബ്രസീല്‍, കാനഡ, ചൈന, ഫ്രാന്‍സ്, ജര്‍മ്മനി, ഹംഗറി, അയര്‍ലന്‍ഡ്, ജപ്പാന്‍, ലിത്വാനിയ, കസാക്കിസ്ഥാന്‍, മാസിഡോണിയ, നെതര്‍ലാന്‍ഡ്സ്, പോളണ്ട്, റൊമാനിയ, സ്ലൊവാക്യ, സ്‌പെയിന്‍, സ്വിറ്റ്സര്‍ലന്‍ഡ്, യുണൈറ്റഡ് കിംഗ്ഡം, യുഎസ്എ എന്നീ രാജ്യങ്ങളാണ് ഫെസ്റ്റിവലില്‍ പങ്കെടുക്കുന്നത്. ബലൂൺ ഫ്ലൈറ്റിൽ യാത്ര ചെയ്യുന്നതിന് ടിക്കറ്റ് ബുക്കിങ് ആരംഭിച്ചു. Asfary.com എന്ന വെബ്സൈറ്റ് വഴി ബുക്ക് ചെയ്യാവുന്നതാണ്.
Content Highlights: Over 50 Hot air Balloons from 21 countries to feature at qatar balloon festival
