LIVE TV
ദോഹ: ഖത്തർ ദേശീയ ദിനത്തോട് അനുബന്ധിച്ച് രാജ്യത്ത് രണ്ട് ദിവസം അവധിയായിരിക്കുമെന്ന് അമീരി ദിവാൻ അറിയിച്ചു. ഡിസംബർ 18, 19 ദിവസങ്ങളിലാണ് പൊതു അവധി. വാരാന്ത്യ അവധി ദിനങ്ങൾ കൂടിക്കൂട്ടി നാല് ദിവസത്തെ അവധിയാണ് ലഭിക്കുക. ഡിസംബർ 22 ഞായറാഴ്ച മുതൽ പ്രവൃത്തി ദിനം ആരംഭിക്കും. സോഷ്യൽ മീഡിയയിലൂടെയാണ് അധികൃതർ വിവരം പങ്കുവെച്ചത്.
يعلن الديوان الأميري أنه بمناسبة قرب حلول اليوم الوطني للدولة في 18 ديسمبر، فإن عطلة اليوم الوطني للدولة تبدأ اعتبارا من يوم الأربعاء الموافق 18 ديسمبر 2024 وتنتهي يوم الخميس الموافق 19 ديسمبر 2024. https://t.co/89LJRyBiFd
— الديوان الأميري (@AmiriDiwan) December 15, 2024
ബുധനാഴ്ചയാണ് ഖത്തർ 53-ാമത് ദേശീയ ദിനം ആഘോഷിക്കുന്നത്. ദേശീയ ദിനാഘോഷങ്ങൾക്കായുള്ള ഒരുക്കത്തിലാണ് രാജ്യം. അതിനിടയിലാണ് ഖത്തർ ദേശീയ ദിനാഘോഷത്തിൻ്റെ ഭാഗമായി എല്ലാ വർഷവും നടത്തി വരാറുള്ള പരേഡ് റദ്ദാക്കിയതായി സംഘാടകർ അറിയിച്ചത്.
പരേഡിനുള്ള ഒരുക്കങ്ങൾ കോർണിഷിൽ പുരോഗമിച്ചുവരികയായിരുന്നു. അതിനിടയിലാണ് പരേഡ് റദ്ദാക്കിയതായി പ്രഖ്യാപിച്ചത്. ഖത്തർ ദേശീയദിനാഘോഷങ്ങളുടെ വളരെയധികം ശ്രദ്ധേയമായ പരിപാടിയാണ് കോർണീഷിൽ നടന്നുവരാറുള്ള പരേഡ്. ഖത്തറിൻ്റെ സൈനിക ശക്തിയും സാംസ്കാരിര പാരമ്പര്യവും വിളിച്ചോതുന്ന പരിപാടി കാണാൻ സ്വദേശികളും വിദേശികളും ഉൾപ്പെടെ ആയിരങ്ങളാണ് എത്താറുള്ളത്.
Content Highlights: Amiri Diwan announces official holidays for Qatar National Day 2024
