Get the latest news at
your fingertips!
Download our app now
LIVE TV
Search
ദുബായ്: യുഎഇയിൽ പൊതുമാപ്പ് രണ്ടുമാസത്തേക്ക് കൂടി നീട്ടി. ഡിസംബർ 31വരെയാണ് പൊതുമാപ്പ് ആനുകൂല്യം നീട്ടിയിരിക്കുന്നതെന്ന് ഫെഡറൽ അതോറിറ്റി ഫോർ ഐഡൻ്റിറ്റി ആൻഡ് സിറ്റിസൺഷിപ്പ്, കസ്റ്റംസ് ആൻഡ് പോർട്ട് സെക്യൂരിറ്റി അറിയിച്ചു. യുഎഇയുടെ 53-ാമത് ദേശീയ ദിനത്തോട് അനുബന്ധിച്ചാണ് പുതിയ തീരുമാനമെന്ന് അധികൃതർ അറിയിച്ചു. പൊതുമാപ്പ് കാലാവധി ഇന്നലെ അവസാനിച്ചതിന് പിന്നാലെയാണ് സമയപരിധി നീട്ടിയത്.
പൊതുമാപ്പിൻ്റെ സമയപരിധി നീട്ടിയതോടെ വിസാ കാലാവധി കഴിഞ്ഞിട്ടും യുഎഇയിൽ നിയമ വിരുദ്ധരായി കഴിയുന്ന പ്രവാസികൾക്ക് പിഴയില്ലാതെ നാട്ടിലേക്ക് മടങ്ങാൻ രണ്ട് മാസത്തെ സാവകാശമാണ് ലഭിക്കുക. ഈ സമയം രേഖകൾ ശരിയാക്കി നിയമവിധേയരാകാനും ഈ കാലയളവ് പ്രയോജനപ്പെടുത്താം. നിലവിൽ എക്സിറ്റ് പെർമിറ്റ് ലഭിച്ചവർ 14 ദിവസത്തിനകം രാജ്യം വിടണമെന്ന് ഐസിപി നിർദേശം നൽകിയിട്ടുണ്ട്.
സെപ്റ്റംബർ ഒന്നിനാണ് പൊതുമാപ്പ് ആരംഭിച്ചത്. വിവിധ രാജ്യങ്ങളിൽ നിന്നുള്ള നിരവധി പേരാണ് പൊതുമാപ്പിനായി എത്തിയത്. പിഴയായി അടയ്ക്കേണ്ട വൻ തുകയാണ് എഴുതി തള്ളിയത്. പൊതുമാപ്പ് ഉപയോഗിച്ചവരിൽ നിരവധി പേർ രേഖകൾ ശരിയാക്കി രാജ്യത്ത് തന്നെ തുടരുകയാണ്. നാട്ടിലേക്ക് മടങ്ങിയവർക്ക് മറ്റൊരു വിസയിൽ യുഎഇയിൽ തിരികെ വരാവുന്നതാണ്.
Content Highlights: UAE visa amnesty extended to December 31
