Get the latest news at
your fingertips!
Download our app now
LIVE TV
Search
ദുബായ്: ദുബായില്‍ ഹോട്ടലിലുണ്ടായ തീപിടിത്തത്തില്‍ രണ്ട് പേര്‍ക്ക് ദാരുണാന്ത്യം. തീപിടിത്തത്തെ തുടര്‍ന്നുണ്ടായ പുക ശ്വസിച്ചതാണ് മരണകാരണമെന്നാണ് വിവരം. ദുബായിലെ നായിഫിലെ ഒരു ഹോട്ടലിലാണ് തീപിടിത്തമുണ്ടായത്. ദുബായ് മീഡിയ ഓഫീസാണ് വിവരം അറിയിച്ചത്.
വിവരം ലഭിച്ച ഉടനെ ദുബായ് സിവില്‍ ഡിഫന്‍സ് സംഭവസ്ഥലത്തെത്തി രക്ഷാപ്രവര്‍ത്തനം നടത്തി. ഹോട്ടലില്‍ ഉണ്ടായിരുന്നവരെ സുരക്ഷിതമായി പുറത്തെത്തിച്ചു. തീപിടിത്തം ഉണ്ടാകാനുള്ള കാരണം വ്യക്തമായിട്ടില്ല. അപകടത്തില്‍ മരിച്ചവരെ കുറിച്ച് കൂടുതല്‍ വിവരങ്ങള്‍ അധികൃതര്‍ പുറത്തുവിട്ടിട്ടില്ല. ഇവരെ തിരിച്ചറിഞ്ഞിട്ടില്ലന്നും റിപ്പോര്‍ട്ടുകളുണ്ട്.
സംഭവത്തില്‍ ജനറല്‍ ഡയറക്ടറേറ്റ് ഓഫ് സിവില്‍ ഡിഫന്‍സ് അനുശോചനം രേഖപ്പെടുത്തി. ഒട്ടേറെ മലയാളികള്‍ താമസിക്കുന്ന മേഖലയാണ് നായിഫ്.
Content Highlights: Dubai 2dead after hotel fire in naif area
