Get the latest news at
your fingertips!
Download our app now
LIVE TV
Search
പാറശ്ശാല ഷാരോൺ വധക്കേസിൽ കോടതി വിധി പറഞ്ഞു. കേസിൽ ഒന്നാം പ്രതി ഗ്രീഷ്മയും അമ്മാവൻ നിർമലകുമാരൻ നായരും പ്രതികളാണെന്ന് കോടതി വിധിച്ചു. അമ്മ സിന്ധു കുറ്റക്കാരിയല്ലെന്ന് കണ്ട് കോടതി വെറുതെ വിടുകയും ചെയ്തു. കേസിൽ ശിക്ഷാവിധി ശനിയാഴ്ച പ്രഖ്യാക്കും.
ഷാരോണിന്റെ മരണം കഴിഞ്ഞ് രണ്ട് വർഷം കഴിയുമ്പോഴാണ് കേസിൽ വിചാരണ പൂർത്തിയാക്കി നെയ്യാറ്റിൻകര അഡീഷ്ണൽ സെഷൻസ് കോടതി വിധി പറഞ്ഞിരിക്കുന്നത്. 2022 ഒക്ടോബറിലായിരുന്നു കേരളത്തിനെ നടുക്കിയ കൊലപാതകം അരങ്ങേറിയത്.
നാലുവർഷമായി പ്രണയത്തിലായിരുന്നു ഷാരോണും ഗ്രീഷ്മയും. ഇരുവരുടെയും പ്രണയം ഗ്രീഷ്മയുടെ വീട്ടിലറിഞ്ഞതോടെ ബന്ധത്തിൽ നിന്ന് പിന്മാറാൻ ഗ്രീഷ്മയോട് കുടുംബം ആവശ്യപ്പെടുകയും മറ്റൊരു വിവാഹാലോചന ഉറപ്പിക്കുകയും ചെയ്തിരുന്നു. തുടർന്ന് ഷാരോണിനെ ബന്ധത്തിൽ നിന്ന് ഒഴിവാക്കാൻ ശ്രമിച്ചെങ്കിലും ഷാരോൺ പിന്മാറാൻ തയ്യാറാിരുന്നില്ല. തുടർന്നാണ് ഗ്രീഷ്മയും കുടുംബവും ഷാരോണിനെ ബന്ധത്തിൽ നിന്ന് പിന്മാറാൻ പദ്ധതി തയ്യാറാക്കുന്നത്.
ഷാരോണിനെ വീട്ടിലേക്ക് ക്ഷണിച്ച ഗ്രീഷ്മ വിഷം കലർത്തിയ കഷായം നൽകുകയായിരുന്നു. ഗ്രീഷ്മയുമായി കണ്ടുമുട്ടി തിരികെ വീട്ടിലേക്ക് പോകുന്നതിനിടെ ഷാരോൺ ഛർദ്ദിച്ച് അവശനാകുകയും ഷാരോണിനെ ആശുപത്രിയിൽ പ്രവേശിപ്പിക്കുകയും ചെയ്തിരുന്നു.
പതിനൊന്ന് ദിവസം ചികിത്സയിൽ കഴിഞ്ഞ ശേഷമാണ് ഷാരോൺ മരണത്തിന് കീഴടങ്ങുന്നത്. ഗ്രീഷ്മ നൽകിയ കഷായം കുടിച്ചിരുന്നതായി മജിസ്ട്രേറ്റിന് മുന്നിൽ ഷാരോൺ മരണമൊഴി നൽകിയിരുന്നു. എന്നാൽ ഗ്രീഷ്മ തന്നെ അപായപ്പെടുത്തുമെന്ന് കരുതുന്നില്ലെന്നും ഷാരോൺ മൊഴി നൽകിയിരുന്നു.
തുടർന്ന് കേസ് അന്വേഷിച്ച പ്രത്യേക അന്വേഷണസംഘം ശാസത്രീയ തെളിവുകളുടെയും ചോദ്യം ചെയ്യലിന്റെയും അടിസ്ഥാനത്തിൽ ഗ്രീഷ്മയെ അറസ്റ്റ് ചെയ്തു. കേസിൽ തെളിവുകൾ നശിപ്പിച്ചതിന് ഗ്രീഷ്മയുടെ അമ്മ സിന്ധു, അമ്മാവൻ നിർമലകുമാരൻ നായർ എന്നിവരെയും കേസിൽ പ്രതി ചേർത്തിരുന്നു. തുടർന്ന് 2023 ജനുവരി 25 പൊലീസ് കുറ്റപ്പത്രം സമർപ്പിക്കുകയും തുടർന്ന് കഴിഞ്ഞ ഒക്ടോബറിൽ വിചാരണം ആരംഭിക്കുകയും ചെയ്തു. 2025 ജനുവരി 17 ന് വിധി പറയുകയായിരുന്നു.
പാറശ്ശാല ഷാരോൺ വധക്കേസ് നാൾവഴികൾ
ഗ്രീഷ്മയ്ക്ക് മറ്റൊരു വിവാഹാലോചന വന്നതോടെ ഷാരോണിനെ കൊലപ്പെടുത്താൻ തീരുമാനിക്കുന്നു.
Content Highlights: Parashala Sharon Murder case timeline
