Get the latest news at
your fingertips!
Download our app now
LIVE TV
Search
സ്ത്രീകളെയും പുരുഷന്മാരെയും പലരോഗങ്ങളും ബാധിക്കാനുള്ള സാധ്യത സമാനമാണ്. എന്നാൽ സ്ട്രോക്കിനുള്ള അപകടസാധ്യതയും ലക്ഷണങ്ങളും പുരുഷന്മാരെക്കാൾ സ്ത്രീകൾക്കാണ് കൂടുതൽ. ഓരോ വർഷവും സ്തനാർബുദം വന്ന് മരണപ്പെടുന്നത്തിൻ്റെ ഇരട്ടി സ്ത്രീകൾ സ്ട്രോക്ക് വന്ന് മരണമടയുന്നു എന്നാണ് കണക്കുകൾ സൂചിപ്പിക്കുന്നത്. ഹൃദ്രോഗം, കാൻസർ, വിട്ടുമാറാത്ത ശ്വാസകോശ സംബന്ധമായ അസുഖങ്ങൾ,സ്ട്രോക്ക് എന്നിങ്ങനെ മരണ കാരണങ്ങളിൽ സ്ട്രോക്ക് നാലാം സ്ഥാനത്താണ്. എന്നിരുന്നാലും, സ്ത്രീകൾക്കിടയിലെ മരണത്തിൻ്റെ മൂന്നാമത്തെ പ്രധാന കാരണമാണിത്. 2023-ലെ സ്ട്രോക്ക് മരണങ്ങളിൽ 60 ശതമാനവും സംഭവിച്ചത് സ്ത്രീകള്‍ക്കാണ്.
സ്ത്രീകളിൽ സ്ട്രോക്കിനുള്ള സാധ്യത പുരുഷന്മാരേക്കാൾ കൂടുതലായിരിക്കുന്നതിന് പ്രത്യേക കാരണങ്ങളുണ്ട്.
ആർത്തവവിരാമത്തിനു ശേഷമുള്ള മാറ്റങ്ങൾ, പ്രായമാകുന്തോറും രക്തക്കുഴലുകളുടെ ശോഷിപ്പ്, ആർത്തവവിരാമത്തിനു ശേഷം ഉണ്ടാകുന്ന ചില അവസ്ഥകൾ , ഉയർന്ന രക്തസമ്മർദ്ദം, ഉയർന്ന കൊളസ്ട്രോൾ, പ്രമേഹം എന്നിവ ഇതിൽ ഉൾപ്പെടുന്നു. കൂടാതെ
പ്രീക്ലാംപ്സിയ/എക്ലാംപ്സിയ: (ഗർഭധാരണത്തിനു ശേഷം വർഷങ്ങളോളം സ്ത്രീക്ക് സ്ട്രോക്ക് ഉണ്ടാകാനുള്ള സാധ്യത ഇരട്ടിയാക്കാം.)
സെറിബ്രോവാസ്കുലർ ഡിസോർഡേഴ്സ്: സ്ത്രീകൾക്ക് അനൂറിസം, സബ്അരക്നോയിഡ് രക്തസ്രാവം എന്നിവ കൂടുതലാണ്, ഇത് തലച്ചോറിനും അതിനെ മൂടുന്ന നേർത്ത ടിഷ്യൂകൾക്കും ഇടയിലുള്ള ഭാഗത്ത് രക്തസ്രാവം ഉണ്ടാകുന്നു. ഇത് സ്ട്രോക്കിനുള്ള ഒരു അധിക അപകട ഘടകമാണ്.
പ്രഭാവലയം ഉള്ള മൈഗ്രെയിനുകൾ: ഈ അവസ്ഥ ഒരു സ്ത്രീക്ക് സ്ട്രോക്ക് വരാനുള്ള സാധ്യത ഇരട്ടിയിലധികം വർദ്ധിപ്പിക്കും.
രക്താതിമർദ്ദം: ഉയർന്ന രക്തസമ്മർദ്ദം ഏറ്റവും സാധാരണമായതും ചികിത്സിക്കാവുന്നതുമായ - സ്ട്രോക്കിനുള്ള അപകട ഘടകങ്ങളിൽ ഒന്നാണ്.
ഏട്രിയൽ ഫൈബ്രിലേഷൻ: സ്ത്രീകൾക്ക് പൊതുവെ ഏട്രിയൽ ഫൈബ്രിലേഷൻ (AFib അല്ലെങ്കിൽ ക്രമരഹിതമായ ഹൃദയ മിടിപ്പ്) പുരുഷന്മാരേക്കാൾ കൂടുതലാണ്. വലിയ എംബോളിക് സ്ട്രോക്കുകൾക്കുള്ള ഒരു പ്രധാന അപകട ഘടകമാണ് AFib. വാസ്തവത്തിൽ, AFib ഉള്ളത് ഒരു വ്യക്തിക്ക് സ്ട്രോക്കിനുള്ള അപകടസാധ്യത മറ്റുള്ളവരേക്കാൾ അഞ്ചിരട്ടി കൂടുതലാണ്.
പുരുഷന്മാരും സ്ത്രീകളും അവരുടെ ലക്ഷണങ്ങളോട് പ്രതികരിക്കുന്ന രീതിയും വ്യത്യസ്തമാണ്. രോഗലക്ഷണങ്ങൾ അവഗണിക്കുന്നതിൽ പുരുഷന്മാർ കുപ്രസിദ്ധരാണ്. അവർ ലക്ഷണങ്ങൾ വലിയ പ്രാധാന്യം നൽകാറില്ല. മറുവശത്ത്, സ്ത്രീകൾ അവരുടെ ലക്ഷണങ്ങളെ അംഗീകരിക്കുന്നു. എന്നാൽ ഈ ലക്ഷണങ്ങൾക്ക് മറ്റ് കാരണങ്ങൾ നൽകി ചികിത്സ വൈകിപ്പിക്കാറാണ് പതിവ്. ഉദാഹരണത്തിന് ഒരു സ്ത്രീ തൻ്റെ രക്തസമ്മർദ്ദം ഉയർന്നതായി കണ്ടതുകൊണ്ട് പരിചരണം തേടാറില്ല. എന്തെങ്കിലും കാരണംകൊണ്ട് വിഷമിച്ചതുകൊണ്ടോ, അല്ലെങ്കിൽ പുതിയ മരുന്ന് കഴിക്കാൻ തുടങ്ങിയതുകൊണ്ടോ, നന്നായി ഉറങ്ങാത്തതിനാൽ ബലഹീനത അനുഭവപ്പെടുന്നുവെന്നോ ആണ് ഇവർ പറയുക. ഇതിന് കാരണം ഇവരുടെ സുഹൃത്തുക്കളോ കുടുംബാംഗങ്ങളോ വിഷമിക്കുകയില്ലേ എന്നോർത്തിട്ടാവാം. അല്ലെങ്കിൽ ചിലപ്പോൾ, ഗുരുതരമായ ഒരു മെഡിക്കൽ രോഗനിർണയം കൈകാര്യം ചെയ്യാൻ അവർ ആഗ്രഹിക്കുന്നില്ല, അവരെ നിരവധി ആളുകൾ അവരെ ആശ്രയിക്കുന്നു എന്നെല്ലാം ഓർത്തുകൊണ്ട് മന:പ്പൂർവ്വം ചികിത്സ വൈകിപ്പിക്കുകയാണ് ചെയ്യാറുള്ളത്.
കൂടാതെ ഓട്ടോ ഇമ്യൂൺ ഡിസീസ് അഥവാ എസ്എൽഇ, റുമറ്റോയിഡ് ആർത്രൈറ്റിസ് ഇൻസിഡൻ്റ്‌സ് തുടങ്ങിയ രോഗങ്ങൾ സ്ത്രീകളിൽ കൂടതലാണ്. ഇതും സ്ത്രീകളിലെ സ്‌ട്രോക് റിസ്ക് വർദ്ധിപ്പിക്കുന്നു. സ്ട്രോക്ക് ലക്ഷണങ്ങൾ ഉണ്ടാകുകയും നിങ്ങൾ വേഗത്തിൽ പ്രവർത്തിക്കാതിരിക്കുകയും ചെയ്യുമ്പോൾ, അതിൻ്റെ പ്രത്യാഘാതം ഗുരുതരമായതും ചിലപ്പോൾ മസ്തിഷ്ക മരണത്തിലേക്ക് നയിക്കുന്നതുമാകാം.
ആരോഗ്യകരമായ ജീവിതശൈലിയിലൂടെ ഏതൊരു അസുഖത്തെയും നിയന്ത്രിക്കുന്നത് പോലെ സ്‌ട്രോക്കിനെയും നിയന്ത്രിക്കാം . ആരോഗ്യകരമായ ജീവിതശൈലി നയിക്കുകയും, അപകടസാധ്യത ഘടകങ്ങൾ തിരിച്ചറിയുകയും നന്നായി ചികിത്സിക്കുകയും ചെയ്താൽ ഏതൊരാൾക്കും സ്ട്രോക്ക് സാധ്യത 80 ശതമാനം കുറയും. ശരീരത്തിൽ കാണുന്ന വിവിധ ലക്ഷണങ്ങൾക്ക് കൃത്യമായ വൈദ്യസഹായം തേടലും ഇതിൻ്റെ ഭാഗം തന്നെയാണ്. അപകടസാധ്യതകൾ കണ്ടെത്തുന്നതിനും ചികിത്സിക്കുന്നതിനും മാത്രമല്ല, ആരോഗ്യകരമായ ജീവിതം ആസ്വദിക്കുന്നതിനും ആരോഗ്യകരമായ ജീവിതശൈലി തിരഞ്ഞെടുപ്പുകളിൽ ശ്രദ്ധ കേന്ദ്രീകരിക്കാൻ ഇപ്പോഴുള്ളതിനേക്കാൾ മികച്ച സമയമില്ല.
ഓർക്കുക, സ്ട്രോക്ക് ചികിത്സിക്കുന്നതിനുള്ള ഏറ്റവും നല്ല മാർഗം അത് തടയുക എന്നതാണ്.
ഒരു സ്ട്രോക്കിന് ശേഷം, മിക്ക രോഗികളും വീണ്ടും അതുവരുന്നത് ഒഴിവാക്കാൻ തങ്ങളാൽ കഴിയുന്നതെല്ലാം ചെയ്യുന്നതിന് കാരണം അത് എത്ര ഭയാനകമാണെന്നും വീണ്ടെടുക്കാൻ എത്ര സമയമെടുക്കുമെന്നും അവർക്കറിയാവുന്നത്കൊണ്ട് മാത്രമാണ്.!
