![കെഎസ്ആര്ടിസി എംഡി സ്ഥാനത്തുനിന്ന് ബിജു പ്രഭാകറിനെ മാറ്റി](http://media.assettype.com/reporterlive%2F2024-02%2F2ca239f9-a674-4bdd-a007-0114ac3ba504%2Fbiju.jpg?w=480&auto=format%2Ccompress&fit=max)
തിരുവനന്തപുരം: ബിജു പ്രഭാകര് ഐഎഎസിനെ കെഎസ്ആര്ടിസി എംഡി സ്ഥാനത്തുനിന്നും ഗതാഗത വകുപ്പ് സെക്രട്ടറി സ്ഥാനത്തു നിന്നും നീക്കി. വ്യവസായ വകുപ്പ് സെക്രട്ടറിയായാണ് പുതിയ നിയമനം. നേരത്തേ വകുപ്പുമാറ്റം വേണമെന്ന് ബിജു പ്രഭാകര് അപേക്ഷിച്ചിരുന്നു.
ഗതാഗത മന്ത്രി ഗണേഷ് കുമാറുമായി അഭിപ്രായ വ്യത്യാസമില്ലെന്നും കൂടുതല് ചുമതലകള് ആരോഗ്യത്തെ ബാധിക്കുന്നതിനാലാണ് കെഎസ്ആര്ടിസി എംഡി സ്ഥാനവും ഗതാഗത സെക്രട്ടറി സ്ഥാനവും ഒഴിയാന് താല്പര്യമുണ്ടെന്ന് സര്ക്കാറിനെ അറിയിച്ചതെന്നും ബിജു പ്രഭാകര് കഴിഞ്ഞ ദിവസം പ്രതികരിച്ചിരുന്നു.
അതേസമയം ലേബര് കമ്മിഷണറായിരുന്ന കെ വാസുകിയെ ലേബര് ആന്ഡ് സ്കില്സ് സെക്രട്ടറിയായി നിയമിച്ചിട്ടുണ്ട്. ഗതാഗത വകുപ്പ് സെക്രട്ടറിയുടെ അധിക ചുമതലയും വാസുകിക്ക് നല്കി. ലേബര് ആന്ഡ് സ്കില്സ് സെക്രട്ടറിയായിരുന്ന സൗരഭ് ജെയ്നെ വൈദ്യുതി വകുപ്പ് സെക്രട്ടറിയായും അര്ജുന് പാണ്ഡ്യനെ ലേബര് കമ്മിഷണറായും നിയമിച്ചു.