![സംസ്ഥാനത്ത് ബീഫിന് വില കൂടും](http://media.assettype.com/reporterlive%2F2024-05%2F7ab28bc2-ad9d-465b-a074-e4b28b9b0734%2Fmeat_sellers_association.jpg?w=480&auto=format%2Ccompress&fit=max)
മെയ് 15 മുതല് വില വര്ധിക്കും
കോഴിക്കോട്: സംസ്ഥാനത്ത് മാംസ വില വര്ധിപ്പിക്കാന് തീരുമാനിച്ച് വ്യാപാരികള്. കന്നുകാലികള്ക്ക് വില കുത്തനെ കൂടിയ സാഹചര്യത്തിലാണ് മാംസ വില വര്ധിപ്പിക്കാന് ഓള് കേരള മീറ്റ് മര്ച്ചന്റ് അസോസിയേഷന് യോഗം തീരുമാനിച്ചത്. മെയ് 15 മുതല് വില വര്ധനവ് നടപ്പാക്കാനാണ് തീരുമാനം.
കോഴിക്കോട് കാലിക്കറ്റ് ടവറില് നടന്ന അസോസിയേഷന്റെ അടിയന്തര ജില്ലാ ജനറല്ബോഡി യോഗം സംസ്ഥാന രക്ഷാധികാരി കുഞ്ഞായിന് കോയ ഉദ്ഘാടനം ചെയ്തു. കന്നുകാലികള്ക്കുണ്ടാകുന്ന അനിയന്ത്രിത വില വര്ധനവും അറവ് ഉപ ഉത്പന്നങ്ങളായ എല്ല്, തുകല്, നെയ്യ്് എന്നിവയ്ക്കുണ്ടായ വിലയിടിവുമാണ് മാംസ വില വര്ധിപ്പിക്കാന് കാരണമെന്ന് അദ്ദേഹം പറഞ്ഞു. കെ പി മുഹമ്മദ് സലീം അധ്യക്ഷത വഹിച്ചു.