![ജാതീയമായി അധിക്ഷേപിച്ച കേസ്: സത്യഭാമയുടെ അറസ്റ്റ് താല്കാലികമായി തടഞ്ഞ് കോടതി](http://media.assettype.com/reporterlive%2F2024-03%2Fa5950b44-ccfe-4999-937a-dac6c44391bd%2FSathyabhama.jpg?w=480&auto=format%2Ccompress&fit=max)
കൊച്ചി: ആര്എല്വി രാമകൃഷ്ണനെ ജാതീയമായി അധിക്ഷേപിച്ചെന്ന കേസില് പ്രതി സത്യഭാമയുടെ അറസ്റ്റ് തല്ക്കാലത്തേക്ക് തടഞ്ഞ് ഹൈക്കോടതി. സത്യഭാമയുടെ മുന്കൂര് ജാമ്യാപേക്ഷയിലാണ് നടപടി.
ഒരു യൂട്യൂബ് ചാനലിന് നല്കിയ അഭിമുഖത്തിലാണ് കലാമണ്ഡലം സത്യഭാമ ഡോ ആര്എല്വി രാമകൃഷ്ണനെതിരെ ജാതി അധിക്ഷേപം നടത്തിയത്. മോഹിനിയായിരിക്കണം എപ്പോഴും മോഹിനിയാട്ടം കളിക്കുന്ന വ്യക്തികള്. പുരുഷന്മാരാണ് മോഹിനിയാട്ടം കളിക്കുന്നതെങ്കില് സൗന്ദര്യമുള്ള പുരുഷന്മാരായിരിക്കണം. ചിലരുണ്ട്, കാക്കയുടെ നിറമാണ്. മോഹിനിയാട്ടത്തിന് കൊള്ളില്ല. പെറ്റതള്ള പോലും കണ്ടാല് സഹിക്കില്ലെന്നും സത്യഭാമ പറഞ്ഞിരുന്നു. പിന്നാലെ, ആരോപണം തനിക്കെതിരെയാണെന്ന് വ്യക്തമാക്കി ആര്എല്വി രാമകൃഷ്ണന് രംഗത്തെത്തുകയായിരുന്നു.