![കേരളത്തിലേക്കുള്ള കൂടുതല് വിമാനങ്ങള് റദ്ദാക്കി എയര് ഇന്ത്യ എക്സ്പ്രസ്](http://media.assettype.com/reporterlive%2F2023-11%2F8664b51a-8505-4ea4-811e-61b752ad57c7%2Fair_india_express.jpg?w=480&auto=format%2Ccompress&fit=max)
മസക്റ്റ്: ഒമാനില് നിന്ന് കേരളത്തിലേക്കുള്ള കൂടുതല് എയര് ഇന്ത്യ എക്സ്പ്രസ് വിമാനങ്ങള് റദ്ദാക്കി. ജൂണ് രണ്ട്, നാല്, ആറ് ദിവസങ്ങളിലെ കോഴിക്കോട്-മസ്കറ്റ് വിമാനവും ജൂണ് മൂന്ന്, അഞ്ച്, ഏഴ് ദിവസങ്ങളിലെ മസ്കറ്റ്-കോഴിക്കോട് സര്വീസുകളും റദ്ദാക്കി.
ജൂണ് ഒന്ന്, മൂന്ന്, അഞ്ച്, ഏഴ് ദിവസങ്ങളിലെ കണ്ണൂര് മസ്കറ്റ്, മസ്കറ്റ്-കണ്ണൂര് സര്വീസുകളും ഉണ്ടാകില്ല. ഇതേ ദിവസങ്ങളില് തിരുവനന്തപുരം-മസ്കറ്റ് സര്വീസുകളും എയര് ഇന്ത്യ എക്സ്പ്രസ് റദ്ദാക്കി.
ഈ മാസം 29 മുതല് ജൂണ് ഒന്നുവരെയുള്ള വിവിധ സര്വീസുകള് എയര് ഇന്ത്യ എക്സ്പ്രസ് നേരത്തെ റദ്ദാക്കിയിരുന്നു. ഒമാന് തലസ്ഥാനമായ മസ്കറ്റില് നിന്നുള്ള സര്വീസുകളാണ് ഓപ്പറേഷണല് കാരണങ്ങള്കൊണ്ട് വിമാനക്കമ്പനി റദ്ദാക്കിയത്.